2020年10月23日 星期五

[遊樂小記] 超近港鐵站的行山路線, 岩晒一家大細去!


市區入門行山路線 - 魔鬼山 !!
雖然係入門級, 但我都係第一次去~
由朋友帶路, 在油塘出閘, 穿過商場就可以開始行上山,
步道都已完善舖好, 所以小朋友也很易行,
拾級而上, 有樹陰, 有風景!
而家秋天日子去真係好舒服!!
要留意分岔路有好多, 如上魔鬼山, 只需一路按指示牌"炮台山"方向就可!
炮台山是指魔鬼山碉堡喔! 不是港島區的那個炮台山, 哈哈!

魔鬼山有好多舊時的軍事設施, 是香港重要的歷史遺蹟!
可以見到炮床、設槍孔、戰壕、火藥庫、地下室的遺蹟,
炮台就沒機會見到喇, 因為已經搬到別處。

魔鬼山也是觀賞日落的好去處,
看著舊時的軍事設施, 再配上昏黃日落,
有著淡淡的滄桑感喔!!
(今次因為帶小朋友上山, 我們沒留到黃昏就走了)


油塘高超道


衛奕信徑


全部石屎地同樓梯, 小朋友也可輕鬆行


分岔路多, 要小心看指示


親親大自然, 剛好見到三四隻剛由毛毛蟲變成蝴蝶!! 

風景一流


兩位小人兒要中途小休一會

軍事設施, 是香港重要的歷史遺蹟!








左邊是日出康城, 右邊伯柴灣小西灣


魔鬼山碉堡






魔鬼山

路線:油塘 › 鯉魚門徑 › 衛奕信徑第三段 › 歌賦炮台 › 炮台山(魔鬼山)碉堡
長度:去程約 1.8 公里 (回程原路折返)
需時:去程約 1 小時 
難度:★
最高點:海拔222米

沒有留言:

張貼留言