2012年3月1日 星期四

顯卓。第一試

二月又係無咩搞過結婚d野
無法, 真係忙到甩look......
先是出左個差去左6日5夜曼谷
但!!! 無行過街, 日日著住西裝褸高跟鞋, 酒店>會場>酒店>晚飯>酒店
完!!!!!!!
點解, 明明曼谷只可以係小背心, 拖鞋, 食, 玩, 買, spa.......
就連想豪一豪去做個700蚊既2hrs spa都同我講full左!!
anyway, 食左幾餐海鮮thai food入公數以平衡一下心情.....

剛好情人節前夕返到香港
但工作忙到死
無咩點慶祝但求見個面
15號我仲ot到半夜添架, 慘!!
之後又忙5日show
完左返到公司日日忙跟客資料......

到呢兩日先叫好dd
可以7點收工... haha

ok, 太多廢話了.
入正題:
一月時已經約好日期
上星期去了顯卓試衫
地方都寬敞, 去到只係有1group人試衫, 似係租黎for annual dinner既客人
招呼我既係A小姐

第一時間想試婚紗
但我都未睇相簿就推左我入去換girdle
之後A小姐就拎左件佢話「最新最靚最多人喜歡」既款叫我試
但其實我睇條裙下半身就知唔係我style
咁佢講到咁, 我只好換出黎
一照鏡, 我就講「我唔喜歡下半身咁樣, 好唔襯我......」
A小姐好似聽唔到我既意見, 一味自己係咁講
又推返我入去更衣, 仍然自把自為咁拎唔同款比我試
從來都無問過我要咩款!!!!!!!!!!!!!!!!!!!!!!!!
又叫我唔使睇相簿, 果D係舊款
而家拎比我試既件件都係新返
但絕對唔係囉, 又殘又舊又有D仲有污積
我問佢, 條裙咁殘仲有人會租咩
佢就話「會拎去洗架嘛, 有人CONFIRM租喇, 改好後就會拎去大洗」
我心諗, D積唔會話洗就一定洗得甩囉
所以太殘果D我連試都唔想試
我話我要自己睇相簿揀款
佢就比說話我聽「最靚果D都已經拎左比你試, 你又話唔中意, 正一良心當狗肺」
我真係xy佢個z, 士多啤梨蘋果橙!!!!!!!
如果唔係我有十件衫要租, 仲要full paid左, 唔想搞垮自己
我一定叉返佢囉

咩叫良心當狗肺???!!
你真係有用你個良心serve我咩?? 尤其晚裝款...
你一味push push push, 無問我想要咩款
而且我自己已經講左想要鮮桃紅 / 大紅, simple得黎型少少
你一味比d娘款我, fine
我自己睇相簿選又話無呢樣無果樣
push我去揀我唔喜歡既款
激死我啦~~~~~~~

試到後尾, 我都唔想再試
又逼我hold裙, 我都唔中意d裙!!!!!!!!!

總之, 最後我都係hold左
一婚紗
一掛
一紅晚裝
一粉紅晚裝
一墨綠晚裝(我唔想要呢件架............)


第一次試衫過程, 真係把幾火!!!!!!!!
好想轉另一個人跟我囉
再見佢我會想死........


去到呢個moment:
我對顯卓好失望, sales唔得, 衫無款又舊
絕對唔排除會搵過間, x丫!




>>> 顯卓。第二試



* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)


Kan夫人。生活雜記





歡迎聯絡合作:
Email: ja20121111@gmail.com
http://www.ja20121111.blogspot.hk

7 則留言:

  1. 好一句良心當狗肺...咁都講得出口?!

    回覆刪除
  2. 嘩...thank you for sharing.

    回覆刪除
  3. 呢間出名黑店, 我朋友book左, 最後d衫比晒姨媽姑姐著, 另外自己book過一間.
    [版主回覆05/16/2012 11:48:46]我諗住6/7月再去多次, 無衫中意就0係其他地方租過, 唉, 貪方便之過......

    回覆刪除
  4. 我都係join 左佢地10套, 同你經歷一樣, 完全深深明白你, o的款睇極都睇唔岩一件, 勉強咁hold 左款, 唉~~我聽日上去轉款喇, 真係十萬個擔心...
    [版主回覆06/18/2012 19:03:53]係....... 唉, 我都唔知講咩好了, 希望之後好d啦~~

    回覆刪除
  5. 我見到你留言呀...我book左8月16日第一次試衫...之前上去睇下個環境時有個叫momo既女仔幾好人嫁..之後諗住打電話搵返佢..點知就係有個A小姐聽電話, 話momo去左旅行...我都好驚到時上去試係佢ser都唔知點算~~~都怪自己冇做多d research就咁快係6月係expo full paid左...
    [版主回覆07/11/2012 10:02:51]你一定一定要搵返momo呀! 佢係太子女黎嫁, 都好多人話佢服務好, 但未必可以全程serve你, 但你千萬唔好比a小姐serve, 有佢講無人講, 又成日r西餅, 癲的...

    回覆刪除
  6. 請問serve你個位叫咩名? 我都join 左而家有d擔心...
    girdle 自己帶/用佢個d?
    [版主回覆07/16/2012 14:32:08]唔特別開名了, 如果真係想知, 私人回應問啦, hahaha!!!!
    girdle同nu bra我自己有帶去, 佢比你都唔敢用啦......

    回覆刪除
  7. 呢間舖係完全唔得!!!我又係JOIN左十件,第一次上去,個SALES已經係咁拎佢覺得靚D款比我試,我睇仲左1件好鍾意,講左幾次佢都唔拎比我試,仲要係咁話唔靚,個問題係究竟係你結婚定我結婚?都算喇,之後媽咪試衫,試完係HOLD左,但返去之後都係覺得唔係咁靚,咁諗住轉款啦,因為係有1次機會轉款嘛.點知個SALES同我講:[咁唔得架喎,佢搞左我咁耐,1件都唔要,咁佢無得再試囉!]明明張單寫明可以轉,咁我地都算喇,因為媽咪覺得佢D衫唔算太靚!到我上去度身既時候,佢樓上3樓個D阿姐完全唔係做野囉!拎條裙比你,叫你自己入去試,我拉唔到鏈,叫佢幫我,佢話唔得閒,叫我自己搞掂.但個時係1個客都無,佢係度同人傾電話囉!之後我好辛苦咁拉到,行返出去,佢只係望左一眼,就話:[得架喇,你換返出黎啦!]之後佢就繼續傾電話!呢D叫度身?完全唔岩身囉,叫我點著出黎?我仲要得返幾日時間~跟住我已經惱到換返衫1行出去已經忍唔住XX佢,但佢都可以繼續傾電話唔理我!個十件衫我都應該放棄架喇!
    [版主回覆04/03/2013 12:35:25]你幾時婚期呀?? 要計好如果轉會,仲租唔租得切, 錢唔係問題, 款先係問題!!!!! 果時, 我真係要心力交碎先ko成件事, touch wood只係受了不禮貌對待, 拎衫同還衫時既過程唔需嘔血........ 唉, 都怪自己太衝動join了!!
    [ha回覆03/28/2013 03:39:35]我已經惱到唔想再租佢地,個一萬蚊衰啲都要講句,留番比佢地睇醫生!!!!!!!而家簡直係比錢買難受!!!!!!!!個日度身既情形真係無得頂,我著便服仲好過著佢地啲衫囉!!!!!!真係激氣!!!!!!
    [版主回覆03/27/2013 13:46:03]係呀, 真係差到爆, 我結婚既vendor全部都好好, 只係呢一間野令我火到嘔晒血, 次次上去就好似鬧交咁!!!!!!!!!! 唔係我惡, 而係我好聲好氣時佢地不願合作同溝通!!!!!!!!! 到而家結完婚4個月, 我度氣仲未落到囉!!!!!!

    回覆刪除