2016年12月15日 星期四

[柴灣.食記] HOW COOL 烤菇

朋友突然到訪, 家中唔夠野食~
就落左去附近諗住掃街買D野......
之前都幫襯過HOW COOL, 所以都好放心再encore!


而家做多左外賣, 要等耐左呀!
所以最好先落定order, 再去買其他野, 回頭再取!
晚市時間, 我地都要等左over 30mins呀!


買左一大堆~~ hahaha!!!


咩都有d, 最岩人多share食下!


HOW COOL 烤菇, 最出名當然是烤大啡菇啦!
一個是蒜蓉芝士帶子, 另一個是海膽芝士,
蒜蓉芝士帶子果個真係最好味!! 芝士多到漏出來~~ 
海膽芝士比想像中無咁出味...
兩個大啡菇都juicy!!


軟殼蟹蒜片意粉, 勁香口, 炒得乾身好好吃!!
雞亦, 炸到熱呼呼, 都ok, 本身應該有5隻, 但佢賣晒唔夠比我地, 所以另外再補左幾件炸魚柳 XD


炸魚柳配沙律醬, 小朋友最喜歡食! 


墨魚咀, 好香辣, 好彈牙! 個人都好中意食呢個, 除了菇之外, 呢個都好推介, 送啤酒一流!



遲下再一次過介紹柴灣的小食記吧!!




* * * * * *


就是烤菇
地址: 柴灣 柴灣道350號樂軒臺地下402號舖
電話: 5546 9711


* * * * * *


Follow: 



歡迎聯絡合作: 
Email: ja20121111@gmail.com


[銅鑼灣.食記] 派對吃貨好推介~ 紐約客 New York Diner

聖誕節同朋友一定搞好多場gathering架啦!
諗食咩諗到頭都爆?
今次同大家介紹間超級好氣氛既美式西餐!!!!
地方也非常就腳, 就是位於銅鑼灣的 - "紐約客 New York Diner"


佢一共有3間分店, 北角, 荃灣 同埋呢間新開的銅鑼灣店!
裝潢走美式風格, 聖誕節來一定更有氣氛!!!
銅鑼灣店比較適合2-6人gathering!
menu好多款式, 飲品都好有特色, 岩晒女生對大時大節的要求~~ hahaha!!!
((是的, 我認我生日同過節一定要食西餐! 只在做冬、中國新年才會吃中菜XD))


我地4個朋友點完野食, 好快就黎左野飲:
荔枝玫瑰沙冰, 我既!! 好大杯, 好靚既粉紅色!! 未飲已經成功呃LIKE! 個人覺得味道都不錯, 荔枝味較香, 玫瑰味不太出, 沙冰好夠凍, 飲到最尾仲有冰! 上面仲有一隻小蝴蝶~
芥末柚子梳打, 本身都想點呢個, 但怕芥末味太重, 朋友就試左, 佢大讚呢杯好好飲, 少少芥末味唔嗆喉, 配上柚子又出奇地MATCH!
凍焦糖爆谷咖啡, 未飲已經聞到好香好甜的爆谷味! 女生應該好喜歡!


先來小吃~
脆炸芝士: 芝士控必食! 好熱好香口, 入便芝味好濃郁! 配上黑松露醬更好食!
燒焗豬手件: 已經幫你起好肉, 唔使自己拆件, 好岩懶人! 皮脆肉嫩, 好juicy! 旁邊仲有炸薯角! 個人都覺得呢個好抵叫!

安格斯牛肉串, 非常非常好吃!! 牛肉肉質軟滑, 重牛肉香, 只用上鹽及黑胡椒作調味, 燒烤後已非常好味! 
有三款醬汁, 適合不同朋友的喜愛~~


來到是晚的重頭戲了!!!
就是招牌啤酒雞!!!!


好有霸氣的招牌菜XDXD
比傳統的聖誕烤雞來得更震撼~~~
雖然將之拆解是要花點功夫, 但也是值得的!
用了啤酒去烹調, 味道更突出, 烤過的雞皮很脆身, 但肉質不怕鞋口!


配上盤中的大量薯仔、蔬菜, 仲有印度薄餅,
這道菜也太過豐富了吧!


迷你漢堡, 4個也是不同口味的! 有豬、牛、帶子...... 另一個忘記了 XD
細細個容易入口~ 


最後, 血色瑪莉的代表作!!
是現在好流行的小食杯~~ 上面有不同的小吃串燒~
下面就是一大樽bloody mary!! 
平時覺得bloody mary好難飲, 但呢個又ok wor! 
可能佢蕃茄汁比例較多, 無咁多酒精同香辣, 易入口, 女生也不怕!!
呢一杯真係好岩人多時share來食~ 又有得飲!!
happy holiday!!


聖誕節前記得一早book定位同伴侶/朋友去慶祝啦!!


* * * * * *


紐約客
網址: https://s.openrice.com/QrbS0XBO700
地址: 銅鑼灣 軒尼詩道523-527號澳門逸園中心2樓
電話: 3543 0218


* * * * * *


Follow: 
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com


2016年12月14日 星期三

★一家人都有滿滿的滋潤!! 日本健馬油 100%純正日本馬油★

又有冷峰到港了!
皮膚好易變得脆弱~~ 
自己一個人就話好易搞定!
以前的我神經大條, 常常都沒所謂沒事既, 混日子過~
對護膚品的要求也不算好高!
但當媽後, 就是會比較神經質, 怕小B用的東西不好易敏感~

媽媽都快變做一個精明小偵探了!
就是努力發掘不同的好用產品給小B!!!!


日本健馬油 100%純正日本馬油~~~

相信大家對馬油都不陌生, 
因為是日本的10大旅行必敗品之一~~~
而這個100%日本健馬油為高質100%日本國產純正馬油!
無香料、無合成色素、無酒精!!
低敏度, 所以好適合任何肌膚.
就連孕婦、嬰兒及長者都適用~~


佢用途可說是超級廣泛~~
全身肌膚及頭髮都可以使用, 滋潤度仲好高添!
除了滋潤皮膚, 仲可以用於皺紋、疤痕、妊娠紋、嬰兒過敏、濕疹症狀、燙傷,主婦手、腳乾裂、皮膚乾燥、脫皮、消炎、腳癬等, 都很有療效!!


玻璃瓶的設計不錯~ 馬油不怕被塑膠的物料影響! 
隱定性高!
搽上手會見到膏狀, 推開後吸收度好快!
佢含有豐富不飽和脂肪酸, 脂質與人體相近!
所以可以瞬間被肌膚吸收~~
滋潤卻沒有油膩感~~~
非常好呀~~~


個人小tips!
因為小女個嘴一到冬天就常爆擦, 日日搽n次潤唇膏...... 煩到一個點!
我發現晚上小小厚敷一下馬油, 第二日完全無平時咁乾!! 堅work!!!
因為馬油無香料、無合成色素、無酒精, 唔怕佢過敏, 我先敢放上嘴!!


想皮膚打好個底, 日本健馬油真係幫到手~~!
提升皮膚自癒能力, 防止乾燥爆裂, 
大人小孩的皮膚又可以回復滋潤健康~~
冬天, 仲使怕爆擦架咩??


* * * * * * 


Follow: 
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com


2016年12月12日 星期一

[銅鑼灣.食記] 抹茶控的好介紹~ @京林屋

返工唔開心T_T
無啦啦比老闆小埋一份, 雖然咁講好卸膊, 但「真係唔係我跟開WOR!!!」
唉, 收工心情差差差......
老公見狀為了要氹老婆歡喜, 就拋低個女帶我食好西!
去了銅鑼灣既京林屋!
我已經想去左好耐架啦!!!!!!
次次經過都想去食架!


好彩我地收工去唔算好多人~
可能D人以為佢只係得甜品掛~
其實京林屋都有咸食架! 所以我地就直接晚餐甜品一起解決!!!!


地方好日本feel~~ 日式和座得兩張咋!
下次都想試下坐係果度~~
我地就坐sofa位~


比想像中更多款式呢~
抹茶為主的餐廳都可以變到咁多款, 果真利害!


好了, 我們點了兩款麵食: 抹茶蒿麥麵 及 讚岐烏冬


抹茶蒿麥麵: 茶味淡香, 湯底清新, 不會將抹茶蒿麥麵蓋過, 畢竟麵才是主角!
配上紫菜、菇、蘿蔔茸, 都幾match!! 


讚岐烏冬: 烏冬好彈牙, 好好食!! 湯會濃返一點! 配上魚餅、鳴門卷、紫菜等~
女生吃就剛好! 男生就可能不夠飽了!! hahaha!!!


來抹茶店, 當然點抹茶甜點才是皇道!
第一次來京林屋, 沒啥頭緒, 所以都是點最多人order的 - 香港限定芭菲!!!!
芭菲來到時, 我的心情已經好大半! 
果然, 女生都是抵抗不了甜點~
雪糕好有綠茶香, 回甘度不錯, 
入便的苟蒻、白玉、抹茶蕨餅、忌廉都配搭得好好~
口感煙韌, 甜度適中! 好岩同男生一起分享!


抹茶芝士蛋糕set
抹茶味比芭菲更重, 個人好喜歡喔!!
芝度濃郁, 都好match!! 配埋雪糕一起吃會沒那麼膩!
白玉也是很煙韌~ 大愛~
後面的玄米茶也是跟著芝士蛋糕來的, 有小沙漏幫手計泡茶的時間! 好貼心~
可以泡出4杯! 


最後, 是抹茶牛奶, 可能吃過抹茶芝士蛋糕, 這杯latte就顯得比較淡味, 奶味比較重!
如喜歡抹茶的甘香就不推介這杯了!
牛奶分薄了茶香喔!


總的來說, 個人非常喜歡京林屋!!! 一定會再來~~
抹茶控的朋友也要來試試這裡的芭菲及cheese cake!!


* * * * * * 


京林屋
網址: https://s.openrice.com/QrbS0kXG700
地址: 銅鑼灣 軒尼詩道500號希慎廣場6樓603-604號舖
電話: 3580 1838



* * * * * *


Follow: 
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com

★玩得又食得的日本果子DIY食玩套裝!!! @知育果子★

係咪好靚好得意呢!!
在家都可以自己整冬甩~~~


就係日本好HIT既食玩果子套裝喔!!!!!
唔講咁多, 即刻玩比你睇先~~~
一打開, 入便的配件非常清晰!


雖然無中文說明, 但盒上的圖示都非常易明!


丁丁當然超級好奇媽媽我又買了些什麼好康玩具啦!!!
她仍然太細個, 未能獨自完成~
不過在旁看著我玩, 她也興致勃勃~~


這盒食玩好方便, 只需加水就可以完成~~ 簡單安全!
同埋, 佢所有材料都是可食用喔!
主要是螺旋藻、蔬菜粉、蛋白粉、魚膠粉等等~


扮盒上的指示同份量一步步地製作!
先做出冬甩, 味道真係好似岩岩出鑪的冬甩, 蛋香味重!
丁丁可以一起將冬甩粉團壓入模具...... 邊玩邊偷吃都不用擔心!

之後就可以調出白色、粉色、古力色的糖醬做裝飾!

HEEHEE!! 出來的成品好美呀~~~
就連丁丁都係咁「嘩~嘩~嘩, 好靚呀!!」
小手指已經想拿來吃了~~

一盒小小的食玩套裝都可以製作出好多不同的款式不同的造型食品!
家長同小朋友一齊玩就可以來個親子互動學習~
不同的製作過程可以練習小肌肉、訓練手眼協調同穩定性~
也可以考考小朋友對顏色的配搭, 發揮創意!
而且食玩套裝都是100%可食用的! 


哈哈, 這小玩意, 媽我可是玩得超起勁!!
(誰說這只是小孩子玩具喔!!!????)
完成後真的好滿足!!



丁丁, 你就再大個一點才自己玩啦!!
食玩套裝比較適合3-12歲的小朋友...... 
((但我覺得大人都好岩玩, 好想買來當聖誕禮物給我的朋友!!!XDXD))


仲有兩盒未開~~
一盒是日式小茶點, 及雪糕杯~


日式小茶點需要用到微波鑪, 那個小小的鯛魚燒好可愛!!!!!


雪糕杯是小女生都喜歡的食品喔!!! 也是加水就可以製作~

每款都是$49
惠康同CITYSUPER有售~



KRACIE 知育果子
創立已有30年! 現時於日本發售的產品多達三十多款~
於日本的銷量多年來都是第一位!

http://www.nerune.jp
http://www.facebook.com/Kracie知育果子-幼兒成長教室


* * * * * *


Follow: 
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com