2014年8月31日 星期日

{{EVENT}} shu uemura 全新lightbulb 白瓷光感粉底霜 bloggers 聚會

之前植村秀shu uemura於2013年出的lightbulb白瓷光感粉底系列已經好受歡迎~
今個夏天又再推出最新lightbulb白瓷光感粉底霜及TSUYA光感新肌精華水!!

小女好開心可以出席上星期植村秀shu uemura的bloggers聚會~!!
去了解下新產品啦~~~ HOHOHO~~~


一去到, 就見到新產品的介紹~
左手邊就是TSUYA光感新肌精華水~
右手邊是最新lightbulb白瓷光感粉底霜~~
一白一黑, 好對比呀!! 

旁邊仲見到 shu uemura 一系列的彩妝品
小女家中都有不少呀!!! 下次一次過用shu uemura來化個妝先~ KAKA!!!

超級感動的是...... 有好多美食提供, 大家都知啦, 收工去EVENT會好肚餓好辛苦的~XD
貼心度100%!!!! 仲有小小的棉花糖可TAKE AWAY, 送了給小姪女, 她超開心呢~!!

睇下大家幾咁專心聽介紹~ 


有專業化妝師教大家點樣打造一個充滿光感的妝容~
三兩下就完成, 好厲害呢~!!! 


同場仲有SONY的新機介紹, 是Alpha 5100
好適合女生用呢~ 機仔細細, 功能超全面, 仲可以換鏡頭~ 
定焦影人像無得輸架嘛!!!!

白色的Alpha 5100真係好吸睛喔~~
仲有文藝女生IRIS教大家點影靚靚自拍相 ((努力筆記中


哈哈, 拿了SONY新機來試玩一下, 
D色真係好似好好多呀!!! 小女用緊nikon P300, 影風景好靚, 仲有wide angle架.....
不過用來自拍真係麻麻...... 最大問題係會拉長左臉形=.="
反面sony就紅潤d, 像真度高d~~~~ 呀呀呀呀~~~ 


heheehee, 仲試左下雙重曝光, 看得出來是cup cakes x shu uemura 公仔嗎??



好了, 說回正題, 去shu uemura, 當然要了解下新產品啦~~~
先來看看TSUYA光感新肌精華水, 一瓶就包含了潔淨及更新能力, 令皮膚更具光澤, 可以好容易就打造出最理想的妝前肌膚狀態!! 
同埋一定要用埋"絲滑保濕雙效化妝綿" 一面是100%真絲製造, 另一面就100%純棉製造~


先把精華水倒在真絲面, 可以抹淨角質及死皮!!! 
再以純綿一面, 把精華水輕拍上面, 補充水份!!!
一物兩用, 方便到呢~~
簡單兩下就帶來乾潔白淨肌呢~


好了, 再來看看, 全新 lightbulb白瓷光感粉底霜
是很水感輕盈的霜狀粉底~~ 
仲有好多色選擇, 又可以選粉嫩點, 自然點, 白瓷點, 一定有隻岩色既~!!


最吸引小女的, 一定是這個好似 "光酥餅" 既 獨創lightbulb圓拱形化妝綿!!!
中央位置較厚(10亳米*) 而邊緣位置較薄 (3亳米*)
可以令到妝感更輕薄!! 又可以令到上妝有無痕、平滑的效果~~


 lightbulb 白瓷光感粉底霜已經包含埋 SPF25 PA+++
質地輕盈透薄, 遮瑕都幾好,
佢主打是持久不變色、不暗啞,
等我下次試下佢既持久度同水潤度先得~!!!




再次多謝 itrial x shu uemura的邀請~
下次再同大家分享上面既產品用後感啦~~!!!
密切期待!! ((偷笑~))



* * * * * *





2014年8月25日 星期一

★汗臭88~ QB Quick Beauty持久無臭止汗香體膏~★

成個夏天都好鬼熱喔喔喔......
日日都晒到溶喇......
咁熱既天氣小女都好怕係交通工具上遇到狐仙......
而自己更加唔想做狐仙呀!!!!!
今次收到QB Quick Beauty持久無臭止汗香體膏, 真係岩晒呀~~
成份仲要無添加化學香料, 
做到無色無味, 用左都唔覺~
唔怕同自己既香水混埋一齊~
仲要身體其他部位都用得, 超方便呀!!!!

QB Quick Beauty 來自日本的~~ 香體膏含有繖花醇/三氯沙及鋅酸, 有效抗菌除臭, 並減少排汗, 可以阻截體味和臭狐的源頭!!


因為無色無味, 男女都岩用~ 打開蓋有一小膠匙, 挖起來乾淨又衛生呢~~


佢仲加入8 種天然滋潤成分, 有效滋潤腋下及腳部肌膚, 試上手, 好似BODY LOTION咁, 柔滑清爽!!!! 好快就推開, 無黏膩感~!!


個人建議出門前可以用小黃豆份量擦在腋下, 另外再取一份擦在雙腳腳底~ 咁女士夏天著高跟鞋/布鞋都唔怕焗出臭腳味!!! 正~~!!!!
晚上正常洗澡就可以了~~ 

天氣應該仲會熱多一段時間
有佢就無有怕啦~ 呵呵~~


* * * * * * 


是次產品由 TRYIT 及 QB Quick Beauty 提供


* * * * * *



2014年8月24日 星期日

★用JILL STUART來打造一個高貴又時尚的偽素肌!!!★

試問有邊個女生不喜歡JILL STUART丫!!!
又靚又高貴~
每件化妝品都好似精品一樣~
簡直令人愛不釋手~!!!!

唔知大家有無留意JS的唇膏呢~
雖然呢排好興韓風韓妝, 尤其它的鮮艷唇色...
但小女覺得唔係人人都岩咁sharp既色
有時返文職工作, 唔想太引人注意
都想找些低調但又sweet既唇色
咁, JS一定係首選!!!!!!

等小女介紹下JILL STUART新出既2014 Fall collection limited edition版~!!!

今次limited edition追加了3隻色
由甜美可人的 Light coral 到純正的 Love ballad 至自然透淨的 Charmer但包裝都是跟上一次一樣~
都係又高貴又夢幻!!!



最上面有個花形設計, 中間是施華洛世奇水晶石來的
打開是一面小鏡子, 岩晒同來補返個唇妝~
唔使再搵鏡子照住搽~



小女手上的是101色 lip smack
粉嫩的珊瑚色, 絕對適合打造素肌風~!!!!
仲有陣陣花香, 心情都飛起來~~


試上手, 竟然見到有淡淡的閃爍, 
只看唇膏是沒有的, 一搽上去就有, 可以令唇色更具光澤感呢~!!!


先看看小女嘴唇什麼也沒有搽的狀態
有點乾紋, 本身唇色有點深, 而且上唇比下唇深色呢...=.="


好, 用JILL STUART Lip blossom唇膏上下唇都擦了一層
很薄很順!! 雖然唇紋都是差不多, 但!!! 可以完全覆蓋了本身的唇色!!!
明顯見到JILL STUART唇膏的珊瑚色呢~


上圖是before, 下圖是after,
上下唇色都一致了, 仲要係小女個人好喜歡的斯文高貴珊瑚色!!!!!
持久度ok, 一個上午都不太需要補,
lunch後補一下, 收工再補一下就可以keep全日~!!!


用這唇膏, 最好當然是配返個大眼但低調的偽素肌~
連胭脂都是淡淡的粉橙~
只有貼上明顯一點的假睫毛~
來扮下高貴又時尚的偽婦人, 呵呵呵~~!!!!



* * * * * * 


是次產品由 iTrial 及 JILL STUART  提供


* * * * * *

2014年8月19日 星期二

★Showbiz。跟朋友來個美式漢堡午餐吧~★

上星期happy friday, 約了好姊妹來試餐廳
位於尖少咀棉登徑的SHOWBIZ!

平時來棉登徑都是happy hour來小酙一杯的
說真的, lunch真的不會選擇這條街呢~
行過來時, 也沒有多少餐廳開午市, 哈哈~~

Showbiz是走很濃烈的歐美風
個人超級喜歡!! 連朋友都笑說一杯咖啡hea個兩三小時都行!!
可惜, 我們只是短短的一小時飯聚罷......

內裡環境好relax, 有band stage, 晚上應該會很熱鬧呢!!

好, 來看看今次的重頭戲!!
餐廳的招牌作『Juicy Lucy漢堡包』~~ 是不是看相已經很吸引呢!!!!!

美國高級漢堡肉+熱溶芝士, 上檯熱呼呼, 咬下去大量肉汁, 非常juicy!!
唔怪得叫Juicy Lucy~~ 仲有香濃芝士味~~ 
好好食呀!!!


另外再點了一個pasta lunch, 朋友說比較酸
個人覺得不錯的~
蘑菇湯也很足料及濃厚!


午市的menu, 可參考一下~


下次, 應該要選可以再悠閒一點的時間再來!!


* * * * * * 


Showbiz
尖沙咀棉登徑8號地下9號舖
T: 2722 0050


* * * * * *





2014年8月6日 星期三

食記。失望的句號... SPADE by Lassana

唉, 其實小女都好少分享劣評餐廳
因為本著開放平台都是想share生活上的小確幸
但又無理由次次都只講好評餐廳, 不講負評餐廳吧......
所以還是照放出來咯......

話說同朋友一行四人晚飯後
意猶未盡, 想吹多陣水
就去了附近的甜品餐廳再來第二round!
"SPADE by LASSANA"

位於家樂商場地庫
當時都不是很多人, 有一半位置都是吉的
因為不用排隊, 我們也快快坐下
選甜品, 再吹水~

點了一個近期都好流行的厚多士~ oreo 口味的~
賣相一般, 味道一般, 真的不過是一個烤了外邊的大多士
感覺上內裡沒有再烤過, 沒有蜜糖味, 是失手還是什麼??!!!
跟茶木的差超級多!!! (茶木還比它便宜多$30~~!!!)


另外, 也點了個apple crumble
看到嗎? 旁邊的士多啤梨是爛的!!!!!!!!!!!!!!!!!!!!!!!!!!!!!!!!!!!
還好跟店員反映後, 他也有幫我換了......
apple crumble味道是ok的!!
不過...... 是否因為看了爛掉的生果, 有點覺得這間的食品不是太新鮮......
怕怕呢~

因為店員說用信用卡有優惠
加$10多要了這杯巨蜂提子飲品
很藥水, 不好味, 結果成杯沒人飲, 白白浪費了.....

跟朋友談天本是很高興, 但遇上不滿意的甜品, 是晚真的有點美中不足呢~


總結: 賣相普通, 味道普通, 服務普通, 價錢偏貴, 雖然不用等位, 但我是不會再來的了......






* * * * * *


Spade by Lassana
旺角登打士街56號家樂坊地庫B02號鋪
T: 3188 1895


* * * * * *