2017年1月26日 星期四

[簡太廚房] 春節限定✿桂花馬蹄糕✿

 


✿桂花馬蹄糕✿

第一次做就成功喇!

由細到大,我都勁中意食馬蹄糕!
但出便已經少左好多地方食到,
而買返黎既都係糕粉多、馬蹄少!
真係唔開心!

今年見到 大少奶's Delicatessen 的食譜,覺得可以一試~~
前晚就整,好成功呀!
一口氣整左三底出黎!!

尋晚拎返娘家團年,我屋企人非常驚訝~~~
可能我大小姐形象太深,
最多咪整下西餐、整下甜品仔,
估唔到我竟然可以蒸中式糕點~~ WOW~~~

今朝煎左試味,加了桂花好清新,唔會太甜,粉比例好好!
大成功,yeah~~~

主婦初階技能get!  XDXD

* * * * * *

好, 介紹返食譜~
我係跟 大少奶's Delicatessen 的食譜做~
傳送門: http://iamtaisiu9.blogspot.hk/2017/01/bell_17.html


因為我一口氣整三大底, 
所以份量是 大少奶 的三倍!


桂花: 7茶匙 ((個人好愛吃, 加多了一點))
大粒馬蹄: 一斤~
馬蹄粉: 330克
冰糖: 480g
水: 1800ml
油: 3茶匙



桂花加熱水浸出味.
將冰糖加900ML水及桂花水煮溶, 放涼備用.


馬蹄去皮切粒, 我唔算切得好碎, 一來懶, 二來大粒些少有嚼頭!
馬蹄粉 330克 加 900ML開好.


將馬蹄粉水、馬蹄碎、桂花冰糖水、油一起拌勻.
開慢火, 一邊攪一邊煮.


直到混合物變得漿糊狀 + 少少透明.


關火, 可以放入模具啦!
記得模具先抹少少油~


蒸約30MINS就可以~~~


出鑪啦!!!!!!!
以上份量, 可以做到3底長方形的錫紙盤(1斤裝), 及3個心形~~~

岩岩蒸完要放涼才可以放入雪櫃~

 


因為用了冰糖, 顏色是淡淡的白色~ 
加了桂花好清新! 味道不會太甜, 我覺得剛剛好, 怕甜的話可以減少一點!
自己做的馬蹄糕, 落足材料, 啖啖都有好多爽口的馬蹄粒粒!!
大愛!!!!!!


好喜歡將馬蹄糕切片煎香!
沒有年糕、芋頭糕等的飽肚感, 這個好適合當餐後甜品吃~~~



好的! 下次想挑戰鬼嫁的紅棗糕~~~!!!!
希望有時間整~~~ YOYOYO!



* * * * * * 


更多中式甜點:

[簡太廚房] 滋補甜品~~ 杞子桂圓海燕椰皇 + 桂花桂圓海燕椰皇

圓肉杞子桂花糕


其他食譜:
☆簡太廚房☆




* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com






2017年1月25日 星期三

[親子.24M] 丁丁做花女呀!! 買花女衫小TIPS!!

好的, 襯過年前分享少少丁豬第一次做花女的情況吧!
於12月時, 丁丁當了人生第一次花女~
是兩歲生日前夕的日子呢~~
其實朋友一開始找我囡當花女時, 
真的非常驚喜!! 
驚, 是覺得兩歲小人兒未必聽懂指令, 很怕她失控喔~~
喜, 是可以參與好友的婚禮, 為她送上我們這一家的最好祝福!!!


好了, 問題來了.
先不理丁豬可不可以合作進行步入教堂這環節~
人還是要靠衣裝的吧! 
平時走搞笑傻瓜路線的她, 要穿上花女裙, 怎看還是不太搭.....
((丁: 媽媽, 我可是你女兒喔....))

所以決定先找條花女裙!
我一定一定要選實體店, 
因為可以試穿、摸上手, 感覺真的差很遠喔~~
((淘寶, 還是淘平時HEA穿的就好XD))

經朋友推薦, 去了上環的小巷先行一圈,
但店子不多, 而且款式也少, 不太合心水.

再去了佐敦的寶靈街,
有兩間好大的小朋友花女花仔店舖!!!!!!!!!!
在佐敦站C2出口直行就得, 好易搵架!


花女的款式真的有超級超級多!!!!!!!!!!!!!!!!!!!!!
而且可以即場幫小朋友試穿~
店主大部分都很好人, 也會推介合適的cutting比客人~~




有些是背心裙、有些是有小小的公主袖、有些是長袖款.
歲數, 基本上由一歲到十三、四歲都有的!!


個人建議選無袖的款式,
自己加件白色長袖內衣就可以, 因為花女裙的袖子都偏長同闊身, 不太好看~~~
試了數件後, 最終選了最後兩強:


左邊有小雛菊及小小的公主袖, 下身是傘狀的紗裙
右邊是通花LACE棉質, 沒有公主袖的背心款
自己就偏向右邊的, 覺得比較lady同grand d......
但其他人就覺得左邊好,
最後還是買了左邊~~ hahaha!!!
價錢約$180左右啦~

帶小朋友來買衫時,
記得! 記得! 記得!
著白色長袖圓領底衫, 出來效果會更好!
我當日幫丁丁著了有花花領的長衫, 搞到好論盡呢~~


而男仔都有好多禮服選擇:::
真係不比大人的差呢~~



白馬王子又得, 黑馬王子又得~~
仲要一式三件頭, 有外套、西褲、背心!


正式毛呢西裝都有, 非常可愛!!!!!
著去拜年都好型仔喔~~~*


同時!!! 真係有好多過年衫呀~~~
小小的旗袍好萌~**



仲有2-3日過年, 可以快D去買返件呀!!
價錢都係幾十蚊就有~


當天的小花女造型::::



對了, 鞋子跟頭飾是淘寶買的~


LINK: https://world.taobao.com/item/541085058317.htm?fromSite=main&spm=a312a.7700846.0.0.aNIhwd&_u=phld833b480


婚禮在愉景灣舉行~
很用心, 很歡樂的一個婚禮!!!!

當天有兩對花仔花女, 丁丁明顯是太小個子了吧!!! XDXD
幸好, 她完全沒出亂子!!
非常合作~~ 所有人也大讚她乖呢~
((其實我覺得她根本是不知道發生什麼事情, 所以不敢亂動XDXD))





多謝不怕死的朋友, 找我們的丁丁來當她的花女,
而這位朋友, 就是我們愛死的 雪子 - 孫慧雪 啦~~~~~~!!!!!

讀大學時已認識雪子,
原來我地識左咁多年,
佢成日話好羨慕我同簡生可以結婚組織小家庭~
傻妹黎既~~ 你都一定可以!!
見住佢大個女嫁人, 真係開心到眼泛淚光!
你一定一定會永遠幸福架!
再次祝福您同edwin, 一路開心快樂~~ **



* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com







2017年1月24日 星期二

★麥蘆卡蜂蜜+紅參 = 透亮新肌 @ Kiehls新品純淨紅參蜂蜜嫩膚霜★

Kiehl's 真係我三大最愛護膚品之一!
如果有追開post,
每次既用清文一定有 kiehls 的空瓶記錄!

今年佢又有新產品啦!
純淨紅參蜂蜜嫩膚霜~~
由紐西蘭的麥蘆卡蜂蜜+韓國的高麗紅參, 天然成份!
可以即時為皮膚注入年輕活力~~ 打造裸妝好膚質~~**
想拜年有好氣息, 你真係要睇下啦!!!


出席了"純淨紅參蜂蜜嫩膚霜"發佈EVENT!
除了介紹新產品外, 仲可以自己MIX花茶回家~~


個人選了最女性的玫瑰花茶及注氧的綠茶~
可以在初春嘆返杯暖呼呼的熱茶, 真係好呀!


Kiehls的產品不嬲都好岩我用!
尤其是其皇牌 //金盞花植物精華爽膚水//, //特效保濕乳霜//, //強效去皺眼霜//!
呢三樣都好喜歡!!
成份天然, 吸引又快, 功效又好~~

今次推出的新產品~ 純淨紅參蜂蜜嫩膚霜**
用上紐西蘭的麥蘆卡蜂蜜+韓國的高麗紅參~~
兩種都是出名具有保健功效的良品!!
好岩追求天然護膚品的新世代女性~~~~


麥蘆卡蜂蜜, 是蜂蜜中的大阿哥, 具有醫療價值!
我之前的反反覆覆胃病, 也是靠麥蘆卡蜂蜜慢慢調理好的!!
Kiehls將其放入護膚品的配方中, 大大加速了肌膚的天然保護屏障復原能力!!

而高麗紅參, 就可以刺激細胞的更新率~~~ 
可以令肌膚更快回復年輕亮澤!!!
仲有保濕、提升膠原蛋白製造、減少細胞退化添~**


純淨紅參蜂蜜嫩膚霜有99.6%高濃度天然萃取成份!
亦都不含防腐劑、不含礦物油、不含人造色素、不含人造香料!!
四不的堅持, 令我都更加有信心~~~
敏感肌人士也太可放心使用!


淡黃色的CREAM狀, 有非常少非常少的蜜香~
完全不刺激皮膚, 吸收算快!!


CREAM狀是比較濃稠, 有少少延伸性的, 
建議先在指間推開再搽上面會吸收得更好!!
搽完已經好滑身, 滋潤度好高但不會有油膩感~~


上面非常舒服, KEEP住用仲會改善膚質, 更水潤、更滋養!!!


喜愛天然產品的SIS, 真的不可以錯過這瓶Kiehls的紅參蜂蜜嫩膚霜!!!
已經決定要在初春用光它~~ XDXD




* * * * * *



是次產品由 Kiehl's 提供


* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com

2017年1月19日 星期四

★日本冬季限定! 全新Pantene風呂養護精華乳★

大家都知溫泉都皮膚好架啦!!
因為富含多種有益礦物質~
可以消除疲勞之餘又可以改善皮膚狀況!
所以我去日本都會搵溫泉旅館住返晚來個溫泉美容~~
係香港就比較難~ 
雖然浸唔到溫泉, 但都可以做返個SPA!!

我地識得對身體皮膚有要求~~
對頭髮都應該要有!!
話晒頭髮都係比較eye catching的位置!
一把靚靚秀髮, 必定令人加分的!!


日本人就好明白~
出了最新最新的"日本風呂養護精華乳",
是冬季限定版來的護髮產品喔!!!! 
((一聽到限定就閃閃眼))

一盒有五支, 每次拎一支出黎用就得~~
好適合嚴重受損髮質~~

  
一支細細支的護髮精華乳, 但唔好睇少佢呀~
佢係 Pantene 史上修護成份最高的產品!!!!


用法好簡單, 先將Pantene風呂養護精華乳放入熱水預先溫熱~~~
之後就可以抹在頭髮上~
等3mins就可以過水!


預熱時, 最好當然係沖左個涼先啦~~
沖完涼, 洗好頭, 就是最好時機, 幫頭髮做返個頭髮SPA~ 風呂養護!!!! XD


唧出來, 好滑的cream狀, 帶有淡淡pantene的專有香味!
由頭髮的中至尾塗抹~
因為我的重災區在下半部, 所以要重點重點修護喔!
這支精華乳好滋潤, 但又不會過於油膩~
不錯不錯!!


之前是一堆雜草狀....... 受損髮絲嚴重吧~


用後已經大大改善!!!!!!!!!!! woo!!!!!!!!!
$49.9/5支, 我會5天~一星期做一次, 一個月都係49.9!!
平過去salon Hair SPA 好多啦!!!!!



而家個個女仔都又漂又染, 又夾又捲~
玩造型的情況根本每天進行中!!
真的! 真的! 真的! 要多花點時間去好好保護~ 
不然壞掉要剪走的話就要花好多時間才長出來......
這支小小的頭髮風呂spa, 是小資女的頭髮良品!!
好好保養, 讓頭髮都可以享受到溫泉式的滋潤~~~ 
仲可以家用, 旅行用都得~~ 好方便呀!!!!





* * * * * *


是次產品由 Pantene 提供


* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)


Kan夫人。生活雜記



歡迎聯絡合作: 
Email: ja20121111@gmail.com