2011年11月9日 星期三

「六條1」大日子 全城瘋迎

2011.11.11 真的太恐佈了, 勁多人結婚....
還好, 沒有炸中, 但有認識的人都是選這天

一年後, 到我們呢, 沒有6條1, 但都有4條1, 哈哈!!

「六條1」大日子 全城瘋迎

【經濟日報專訊】本周五是11年11月11日,全城瘋迎「六條1」,蘋果ifc店提早早上7時開賣iPhone 4S,蘋果迷忙着搶電話,與此同時,當日創紀錄有逾千對新人「拉埋天窗」,新郎忙搶美人歸;更有孕婦擬搶閘早上11時剖腹,炮製「八條1」BB。

今年11月11日特別多人結婚,根據入境處數字,接獲當日的擬結婚通知書有1,017份,較2010年10月10日(寓意十全十美)的859份,以及2009年9月9日(寓意長長久久)更多,數字亦是自06年推出婚姻監禮人以來的新高紀錄。

伊甸園婚姻服務有限公司總經理陳富雄表示,公司的3個證婚會場於本周五全部爆滿,由於當天日子較為特別,因此該公司亦調高收費1,000元。

「121212」 40新人預訂

他指,繼09年的「長長久久」和去年的「十全十美」好日後,新人再講求「靚冧把」,寓意好意頭,希望在「六條1」日子結婚,能夠「一生一世」。

他更指,2012年的12月12日為明年另一結婚高峰期,因為明年雙春兼閏月,加上在「龍BB」效應下,目前已有約40對新人訂了於「121212」註冊,佔了該公司當天的一半名額,相信很快便會爆滿。

婦產科醫生靳嘉仁表示,本月11日私院剖腹產子的手術室十分爆滿,他有一名本地孕婦客人,生第二胎,原本希望當日早上11時剖腹,以求為BB湊夠8個1字,即2011年11月11日11時出生,但醫院指11時手術室已訂滿,要改為12時生產,幸好家人也不執着要求。

靳相信,產婦選在「六條1」的日子產子,可能覺得日子「特別、得意」,另外有一名內地孕婦,則選擇在11月10日催生,相信是希望BB能在六條1那一天出生。

擇時辰剖腹 多收逾萬元

事實上,想做八條1寶寶,必須付出金錢代價。靳解釋,若產婦要求擇時辰剖腹,除了婦產醫生要額外收費,私家醫院及麻醉師也要加錢,約共需1萬多元,本地孕婦埋單就要7萬元,內地孕婦則要8萬。

除了結婚生子,蘋果迷當日亦相當忙,繼上周於網上搶訂iPhone 4S,買家炒家本周五將再戰中環ifc蘋果店。

蘋果已公布11月11日提早於早上7時正於ifc的Apple Store開賣iPhone 4S,但並未透露每人購買限額。本地及南亞裔炒家看準iPhone 4S炒賣潛力高,已準備「瞓街」3晚搶頭位(見另文——「iPhone 4S港開售 炒家今排隊」)。先達手機商「i世代」銷售經理姚進預料,iPhone 4S炒價可比官方定價高出約1,000元,但仍要視乎當日情況作出調整。

2011年11月5日 星期六

11月。婚展

11月4-6係灣仔又有婚展
都係朋友H同我講我先記得
又趕唔切登記拎免費飛
所以都未必會去

但尋日朋友H又有張証可以入場
所以收工趕頭趕命咁飛入灣仔
以前舊公司行過去5MINS就到
而家新公司係尖咀, 又要我過返海
仲要比我係會展前面撞到D相熟既"同行"
問我, 咦, 你唔係轉工咩, 仲係灣仔既, 去睇WINE FAIR呀??
HAHAHA!! 我都想去WINE FAIR囉....

ANYWAY, 今次主要目的係餅卡
因為今次婚展有美心喔~~
唔係次次有架
又怕之後搵唔返極之平既員工優惠價
(要搵男友既同事既朋友既親戚.... 太複雜唔想煩到咁多人)
所以自己買到既就買左先

而且朋友H都需要買
睇下一齊買會唔會平D嘛
哈哈~~

最後用@$36價買左

之後亦都睇左唐餅
目標係榮華 - 包裝正常, 份量比較大, 而且價錢平D
但我唔知應該買幾多呀........
會場做緊8折, 朋友既媽咪可以買到, 7折添
所以唔會係會場買
只需要盡快CFM人我要買幾多.........

應該點計架...............>.<


之後又再去睇証婚場
又行返去世紀証婚
見佢新開左個場, 好岩心水呀
不過都幾貴, 40MINS包場包律師包MC包50杯飲品, $5999
但佢另外兩個場都係$3XXX......

不過, 我都想去睇一睇場既

一直都有D心儀世紀証婚
因為近擺酒地方, 又合理價錢, 服務幾好
係佢之前介紹D場既佈置唔太岩心水...
所以HOLD住晒無進展
而家有新場又幾好

HEEHEE, 真係要搵日去睇睇先得~!!!





2011年11月3日 星期四

忙。到。嘔。

唉, 10月真係唔係人過的一個月
尤其我九月辭職唔做
本想快d走轉新環境開心下
點知大老闆又係咁留我, 最後又心軟
話做埋10月尾先走
好在新工作係相熟朋友介紹
等我成個半月都ok
真係唔話得~!!

10月要交接又要教新人野
但又要我出差, 出完上海再去廣州
連續19日無放過假
我數過, 成個10月我放得2日假咋大佬!!!!

雖然d假最後都係補錢比我
但真係太辛苦喇!!!!!!!!!!!!!!!!!!!!!!!!!!!!!!!!


所以, 10月咩都無搞過..............
只係去了希臘女神拎左執好既相
都仲未confrim佢添

下次再詳細講下希女d相........


2011年10月18日 星期二

命中註定

唉, 剛岩出差到上海工作7天
過著有返工無收工的一個星期
日日晨早8點開始準備做野, 到晚上10點才回到酒店休息
真係辛苦到想喊!!
我今次一d都無去遊覽其他地方
有時間就陪經理去巡舖, 行商場
做市場調查

但係, 我明明辭左工架啦
我返埋今個10月就拜拜你條尾
都要比d咁辛苦既野我做, 痴線!!
真係多得女魔頭經理唔少囉!!

星期日晚上先到香港
星期一又要返工
黎緊星期五又出差到廣州
呢份工都唔係人做架
我計過, 我要連返十九日工, 係十九日!!!!!!!!!!

唉。唉。唉。。。。

不過好在簡生來接我機
回程巴士上
靠著他手牽手
不由自主地流了兩滴眼淚仔
因為好感動
有種命中註定非你不愛的感動
是什麼讓我們可以這樣愛呢?
是一種不捨 是一種由衷而生的關懷
讓我們信任 讓我們珍愛

有你。生活不苦了。



2011年10月6日 星期四

MUA。已選定

話說一星期前還在痛苦著如何尋找MUA
千辛萬苦找到3個有期約了2個試妝
3/10試第一個妝
4/10就已經confirm了!!

我都覺得自己有效率得好緊要!!
嘩哈哈哈~~

先要多謝 >浮面豬< 介紹了她自己用的mua S小姐給我
爬了mua的blog, facebook page, website全文, 覺得自己都喜歡再send email問期
好快就收到回覆, 仲要係好消息 --- 2012/11/11 有期
所以啦啦林約實試妝時間

同一時間, 另一人氣mua G小姐亦回覆我個期又ok了
早於8月尾9月初時已經看中她了
不過當時她說有人hold了但未confirm實
只好9月尾才再問
怎知她又放返個期出來
本想早一點試妝, 但9月尾-10月頭她連試妝的期都爆滿了
而自己工作亦需出差到上海一星期
最後只好約10月尾

然後, 朋友介紹的失蹤mua K小姐又忽然找返我
說有期
唉, 需要你時你就失蹤
不需要你時就出現說ok
已經令人有點卻步了

突然之間好似好多選擇咁
我既選擇恐懼症又爆啦......

* * * * * *

10月3日 試妝

都係抱住$500試一試的心態
會選上她都有點原因的
雖然做mua年資不算太久
但就是看到她的用心經營
無論是blog, facebook, website, 到手作仔配飾
都好有heart
覆email又快, 又好交帶
以上已經加分了不少

看到好多髮型都set得幾好, 化妝淡又得濃又得
其實呢兩樣野都好個人主觀
so far自己覺得above average
最緊要係可唔可以溝通清楚先重要!

試妝日, 約了簡生以及好姊妹同行, 一行5人
都幾得人驚, 好似去講數咁, 哈哈
辛苦了各位百無聊賴咁陪左我3個鐘! 係3個鐘!!!!
等我仲以為兩個令鐘可以ko添.......

由於之前發燒係咁病, 又m到痛到癲左
無心神去做準備, 乜春都無帶.....
連銀包相機都無, 真係發神經的一日......

去到, 我由S小姐自由發揮

對個妝我都幾滿意,
只係日妝清淡左d, 晚妝個胭脂唔太合心水,
但後尾溝通完之後, 這些都可以解決
希望日妝有sweet同精神的感覺
下午註冊係高貴elegant
晚上可以浮誇, 型, rock/wild/sex baby一點

而髮型我就好喜歡
試左3個髮型, 掛頭同敬酒頭都好鬼歡喜!!
唔知係咪臉型比較長, all back再束高髮係唔好睇的......

成個過程我都覺得好舒服好放心
S小姐又好好傾, 年齡唔差太多
所以好傾得埋, 因為自己好有BIAS架, 覺得年紀細會唔上心, 年紀大會有代溝
哈哈哈
anyway, 試完後其實都想confirm的
不過仍想回家冷靜思考一下
所以我是第二天才confirm的

玩完都成10點幾
肚仔餓到癲左
立刻去左附近M記醫肚, 哈哈哈~!!



呼, 終於又完成一樣野, 好開心~~ 爽晒~!!!

2011年9月26日 星期一

MUA。太難尋

好痛苦的一個項目 - 找尋自己的MUA

就快瘋了
一直上網找上網看問朋友意見瀏覽很多很多的BLOG, PROFILO
就是只得數個合心水
5月send了email問三個
兩個無期, 一個無覆
上個月到今個月再找了兩個問, 都要waiting list
為什麼11月這樣多人結婚, 痴線的!!!!

另外, 朋友介紹了兩個都有期, 但不是最合眼緣,
不敢隨便約試妝, 怕浪費金錢......

最辛苦是自己一個人決定,
簡生不是太給到好的建議,
也不了解什麼是好什麼是不好...

好頭痛, 好想快點解決這一環節,
不然一直心掛掛...


* * * * *


其實朋友有介紹一個mua給我,
有期, 價錢優惠, 還包兩老化妝,
只是感覺她有點年輕, 怕經驗尚淺,
看過她的作品, 只算是average, 沒心動,
hair style普通,
連簡生都覺得過份普通, 他不太建議選擇.....
好痛苦呀~~~


* * * * *


現在, 等待另一朋友介紹的MUA,
說是有做開雜誌廣告化妝, 當然主要還是做BD化妝,
通過一次電話, 有期但未看過作品,
等她email price list同profilo.......
好心急~~




究竟何時末可以找到我的MUA呀???!!!!





2011年9月15日 星期四

煌府188。Our Stage



我真係好想寫返篇"酒樓睇場血淚史"+"老豆食飯唔知米貴要求擺酒店血淚史"出黎......
但真係要花好狠多時間整理
所以skip......

總之由我地決定結婚->揀日子->雙方家長會面->落訂book煌府比錢
只係用了一個月時間
分分鐘d人以為我大肚趕結婚添呀, XDD

大大話睇左十幾個場
主力係旺角、尖沙咀、灣仔、銅鑼灣
其實我比較中意係港島區
但可惜銅鑼灣多數既場都唔大
對後期由28圍變33圍既我地, 限制又多了

如果唔係因為圍數多, 我個人係好喜歡尖沙咀北京道一號的帝庭同埋銅鑼灣的譽宴
北京道一號的帝庭, 最靚擺24圍
銅鑼灣的譽宴, 最靚擺28圍, 我同事上年擺過, 30圍都逼到死左

其實我最主要都係行左以下集團:
煌府
皇上皇
譽宴
御苑皇宴

到最後既最後
我地睇場日最後一個check point - 煌府188
去到附近時已經晚上9點幾10點
心諗, 都黎到附近, 望下啦
唔抱任何期望
入到去遇到荃灣店既祥哥做介紹
佢好好人, 好有心
一路帶我地睇就一路講笑話
極之輕鬆暢快
因而中意左~
雖然我唔太喜歡佢個toilet係出便(商場廁所)
亦都唔太喜歡佢分左兩個場, 雖然我會包全場
但我點解會選呢度呢.....

1) 個場好新 (仲要今年又岩岩翻新左back job, 一年翻一次都幾dup本)
2) 多水晶燈 (超級重要, 仲要好閃既水晶, 佢話有人定期去抹先可以咁閃!)
3) 樓底比較高 (超級重要x2, 我最憎樓底矮!! 因為樓底問題, 我out了好多間)
4) 交通都叫方便 (佐敦站 / 柯士甸站 / 巴士 / 皇崗巴都有, 方便國內親戚)
5) 可以包足全場, 開40圍都得, 超級舒服
6) 兩個勁大新娘房連toilet
7) stage係高幾級, 有得"居高臨下"
8) 另有一邊麻將耍樂區, 可放十幾廿張麻雀台, 而唔會嘈到影相區
9) 所有decoration全包, reception油畫架咩都有
10) 音響全新
11) 好多lcd大電視
12) 野食質素唔差
13) 煌府專門做婚宴, 所有員工應該好熟悉流程, 好似可以放心d
14) 仲有期~~!!!

就係以上咁多因素
我地決定, 係你啦!!

我地兩個人決定好後,
就立刻約第二晚兩家人食飯,
又真係約到幾人齊下喎
好緊張, 未試過兩家人正面交鋒,
情況尚可接受

當晚由婷婷接待我們
安排了半席試菜
但長輩太心急想周圍睇
菜都未上就已經行去舞台 / 新娘房 之類
好似都叫做合心水
我知好多野未達到最好
但”最好”真係存在嗎?

anyway, 大家都覺得無咩太需要挑剔既野
都算過關

訓一晚, 想清楚, 是這一間嗎?
不再選別的嗎? 沒問題嗎?
一連串問題…… 令人不是太睡得著

沒錯, 睡醒後
就又再去了煌府188
簽名下訂

選定了, 是你~~~!!! 煌府188!!!

2011年9月12日 星期一

顯卓, 不會是惡夢

好了, 我知道很多人bad comments 過顯卓
而我亦是後知後覺得太緊要!!

在4月expo時失手了
無做過任何research就join了顯卓
仲要好鬼豪地join了租十件衫的package!!
掛x1, 白婚紗x1, 晚裝x3, 男禮x2, 媽媽奶奶x2, 妹妹x1
(抱頭高叫 why~~~~~~~~~~)

嗯, 所以不用再跟我說顯卓的劣評
該知道的我都知道了
一分錢一分貨, 這個道理應該不難明
當然我去食茶餐廳不會要求有5星酒店水準
但都無可能係街邊十蚊魚蛋粉既質素
最好係翠華啦, wahahahaha!!!!!

說後悔也不是太後悔
因為到這一刻還未親身感受到他人所講的不良情況
亦都希望不會出現啦

最擔心係怕揀唔到衫姐......
不過朋友多有個好處, 總有朋友或朋友既朋友做婚紗呢一行
但唔好問我點解唔一早用朋友果d
我只可以講後知後覺囉......
自己揀唔到, 我都仲可以shift比親戚, 嘿嘿

除了在join package環節受到非常之好的對待(應該的吧)
再未有正面交鋒過
我自己還是不放心的於8月頭時上去舖頭一次
沒有預約沒有通知
自己跟簡生盲中中咁上左去
太心血來潮到要上去一探究竟
見到幫我們開package的 A小姐
佢都認得我, 跟她說剛好在附近就上來看看
不會試衫, 來看看罷了
但佢都有陪我周圍睇, 傾下計, 問我個婚禮搞成點之類,
又介紹下d掛 / 婚紗 /  晚裝等等
見到有準新娘 /  準奶奶試衫, 都幾融洽
d衫款正正常常, 當然再好d就prefect啦!

同A小姐閒話家常一下
佢仲比左兩張8月婚展既入場卷比我
我無問佢, 佢都比, 幾nice丫

其實我應該幾時約時間上去試衫揀款???????
A小姐叫我出年2月先揀都得......


顯卓, 暫時我都覺得佢唔太差
希望唔會係惡夢啦~~






☆囍☆靚衫

顯卓。第一試

顯卓。第二試



* * * * * *


Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)


Kan夫人。生活雜記





歡迎聯絡合作:
Email: ja20121111@gmail.com
http://www.ja20121111.blogspot.hk


候選証婚場地 - 帝樂文娜公館

帝樂文娜公館 - 香港九龍尖沙咀金巴利道39號
http://www.theluxemanor.com/cnt/index.php

前文提要 >按此<

其實上次講完帝樂文娜之後, 已經好快手咁send了email去問
而帝樂文娜的 F&B 亦於隔天就回覆了!
好鬼快手囉~~ 讚!!!

佢既証婚場叫"伊甸 / Eden "
都幾靚同埋好特別
唔係d咩全粉紅玫瑰令人起雞皮的顏色
所以我都幾歡喜~

好, 去片:






其實帝樂文娜主要係做包場wedding cocktail
所以佢個lounge都係租用熱門項目之一
個lounge同stage靚到癲左
好想係度同朋友玩返晚!!











F&B部同事回覆了包場價錢, 但只到2011年
2012年未出, 亦都未知會唔會加價

最min租eden作証婚場價錢係 $3500/hr (下午5點前)
律師費: $3500 (下午5點前)

另有其他optional service: Wedding Cake, Live Band, Snacks & Drinks.......
而cocktail party min package係 $7200, 30位, 2hrs

由於人數有限制, 而價錢叫做中上 (會outbud太多....>.<)
所以都係諗緊, 不過我果日仲有期既....... (遠目)
可能唔算太多人知呢間酒店 / 唔太多人喜歡呢種風格

好苦惱......


有興趣可以問我 / 直接email比 F&B 部門.




2011年9月11日 星期日

mabelle~ 閃閃鑽石對介~

+++++++++++++++++++++++++++++

又係前文提要:

好喇, 結婚對戒已經睇左n咁多次仍然無出現過任何可以傾心的款式
所以我都半放棄唔想理住
加上朋友h識人係工場做批發果d
可以優惠價錢買鑽石/18k金
今次去婚展都抱住睇下又有咩新款既心態
點知, 去到mabelle睇第三款已經中意左
好快就拍板比錢, 極高速!
heehee, 男女戒都有石架, 哈哈!

+++++++++++++++++++++++++++++


本身預計多數會去謝xx金行
因為簡生識人有員工價
就算唔係去謝xx金行, 都可能去d樓上舖,
又係因為朋友h識人
再唔係我有諗過買有d brand既純銀對介都仲得
如... anges b. 都幾好丫, haha!!

但我無諗到會0係mabelle買
去到婚展, 抱著睇下你d款靚唔靚先既心態行左個圈
去到mabelle咁岩有位, 咪坐下八卦下d折扣同埋款式
第一款試上手已經覺得幾好!!!!!!!!!!!! 係非常之難得架!!!!!!!!!!!!!!!!!!!
再睇下簡生既男裝款, 又ok wor!!!!!!
所以, 再試多兩對問下價錢
一對多數係$6000-$8000
有石架, 所以價錢都好似好合理

試第二對時, sales姐姐介紹話呢款係最新系列, 叫天使之戀, 咁上下名啦
話好受歡迎下.......
我一睇, 心中大叫, WTF!!!!!!!!!

>>以下個人意見, 買左唔好睇<<

果對"天使翅膀"想點x樣呀
根本係中學時期係旺中行街買下介指仔黎玩既款
唔係咁都話新設計新款式受歡迎下話
我真係忍唔到笑
試都無試就話
「我唔會試呢款, 呢D款咁...... (然後偷笑)....... 可愛, 唔係咁岩我, 哈哈哈」
個sales面有難色(?)再指另一款相近既對介
我話, 唔使咁cute啦, 我唔係呢個路線...
真係嚇死我囉~

ok, 再試第三對, 就confrim了
即時join VIP卡, 下次買野有9折
今次只送了一個無咩作用, 如同雞肋既天鵝介指座
亦免費租借龍鳳鈪

就係買左下面呢對, 上面男款 下面女款, 兩隻都有石, 簡生都係貪慕虛榮架喇
佢粒石仲大粒過我果隻, 嗚.........




都幾有含意架, 兩隻都係方框內有圓石, 天圓地方
男款介指表面有V形咁凹左
而女款就岩岩雙反係A形咁凸起, 一凹一凸
都幾得意丫
好過果個乜乜天使......

哈哈~~~


以下係官網crop出黎既租借龍鳳鈪既資料
有興建自己去mabelle睇下啦~ www.mabelle.com



又成功解決一樣, 好開心!!!!!


2011年8月29日 星期一

我的花車~ 倫敦的士!

+++++++++++++++++++++++++++++

前文提要:

當然煌府有送花車coupon比我地, 不過無用到...... 因為價錢同出便自己租差唔多
coupon意義何在????
anyway, 在婚展八掛下d婚車
本身覺得benz都ok架啦, 雖然無咩感覺
但後尾知道有樣叫"倫敦的士"的花車
妖, 一眼就中意左
婚展都有幾間有得租呢種車, 仲有勁多色, 如香檳金, 鮮紅, 紫, 桃紅, 粉紅等結婚大路顏色
價錢就大約$2400左右/3hrs
好鬼貴呀!!!!!
行到最後既booth又比我地見到間比較平既公司租車
「倫敦的士私人花車」專租香檳金同紫色
 最後仲比埋訂金join左
不過佢唔係d咩大舖, 有d擔心會唔見左人~~~@@

+++++++++++++++++++++++++++++


我地去到「倫敦的士私人花車」booth附近
比佢大大隻字的優惠價錢吸引了!!
就立刻問價
不過當知道他們只有香檳金同紫色
而我大婚當日香檳金已經出租, 只可選紫色的情況下有點猶疑
個人覺得香檳金高貴好鬼死多呀!!!
所以我地仲諗緊
而睇下其他車款
如我都幾喜歡的mini cooper
但佢真係太細部喇
反觀倫敦的真係氣派同闊落好多
車主話倫敦的就咁行入去就得唔使左擺右擺就位入
而且仲可以坐5個人!!! amazing!!!

紫色再襯褂同婚紗應該都會幾好睇
姣婆粉真係會太姣婆唔太襯我, 雖然本身target金色同shocking pink既.......

之後車主梁生坐下來跟我們傾
最後$3xxx join了紫色倫敦的士5hrs+24van 4hrs
其後收費: 倫敦的士 $4xx/hr, 24van $2xx/hr
包括基本花車佈置 (即係車頭v帶, 車門花等)
價錢不算貴
而且跟梁生非常之好傾
梁生仲會係當日充當柴可夫司機添, 哈哈!!

其實我都唔知5hrs花車夠唔夠用
不過就預左女家出發到男家時先計鐘
可能11:00花車到樓下影陣相, 出發往男家
11:45到男家樓下影相
1:30斟完茶食少少野又到樓下影相
2:30左右出發 - 紅棉道註冊 or 尖沙咀1881影相
影1hr~1.5hr到就4:00
可以既話送我地返酒樓先byebye花車...
好似好prefect囉...

但24van我預左要加鐘, maybe加2hrs, 即6hrs, 出年先算啦
因為係即場比司機

仲有, 我地未必會買結婚公仔
問梁生有無得借黎用下
佢話可以比hello mimi同米奇老味我揀......
我同佢講我兩個都唔中意呀
希望佢今年出車吹走呢兩對, 出年買新公仔啦~~
哈哈~

我們離開後傾計時說, 我覺得佢好面善, 好似我身邊有個咁既人咁
而簡生都非常之認同
諗左好耐, 原來梁生係似農夫入便既c君!!!!!!!!!!!!!!!
嘩哈哈哈哈~!!!!!!!!


梁生架車既相簿: www.fotop.net/hoffman-l

節錄部分相片, 好新好靚:

正面~

DSC01333

側面~
DSC01329


車頭~


車頭燈~


車尾~


內部~ 真係好闊落, 好中意~



又去婚紗展喔........

已經第n次去婚展, 都係貪有免費飛所以先一去...
(所以第一次去的朋友, 記得要join 大會member, 佢一有新婚展就會寄ticket比你, 又可以慳返入場費)

本身比較重要的事項已於早前安排好
只差以下幾項次重要:
1) 証婚場地 / 律師到場
2) mua
3) 租車
4) 結婚對戒
5) 餅咭


1) 到而家仲未決定用 -- 私人婚場/政府証婚/律師到場........ 好痛苦呀~~
不過昨晚再同簡生傾時, 好大機會係政府証婚, book唔到先律師到場6pm証婚
我地應該唔會開席前8點先証

2) 完全未有idea, 簡生話一係用返顯卓mua, 因為我join左租衫
不過我又覺得佢地d配飾好鬼娘,
雖然我好怕煩唔想試妝, 不過我未去到要求其用一個既......

3) 當然煌府有送coupon比我地, 不過無用到...... 因為價錢同出便自己租差唔多
coupon意義何在????
anyway, 在婚展八掛下d婚車
本身覺得benz都ok架啦, 雖然無咩感覺
但後尾知道有樣叫"倫敦的士"的花車


妖, 一眼就中意左
婚展都有幾間有得租呢種車, 仲有勁多色, 如香檳金, 鮮紅, 紫, 桃紅, 粉紅等結婚大路顏色
價錢就大約$2400左右/3hrs
好鬼貴呀!!!!!
行到最後既booth又比我地見到間比較平既公司租車
「倫敦的士私人花車」專租香檳金同紫色
 最後仲比埋訂金join左
不過佢唔係d咩大舖, 有d擔心會唔見左人~~~@@

4) 好喇, 結婚對戒已經睇左n咁多次仍然無出現過任何可以傾心的款式
所以我都半放棄唔想理住
加上朋友h識人係工場做批發果d
可以優惠價錢買鑽石/18k金
今次去婚展都抱住睇下又有咩新款既心態
點知, 去到mabelle睇第三款已經中意左
好快就拍板比錢, 極高速!
heehee, 男女戒都有石架, 哈哈!

5) 餅咭, 只係得聖安娜同榮華
但我目標係美心同奇華...... 所以只係拎了leaflet就走



今次婚展又有進展, good!!
由於買了婚戒, 又可以去大會抽獎....... crabtree既shower gel!! 都幾實用~
好過上次既經痛貼, wahahaha!!

希望早d confirm到(1)同(2)啦~~


2011年8月24日 星期三

証婚場地

一開始我是想選擇用晚宴地點作証婚的, 無他, 價錢只需付律師到場費就行, 容易作預算, 時間上易遷就, 而且賓客不用走來走去, 哎, 真夠貼心!

不過到後來, 又不太想在晚宴証婚, 因為有朋友一語說出重點:
你証婚時有班人仲傾緊計, 玩緊啤牌, 飲緊酒, 再唔係就玩iphone…
你唔覺得好難受架咩?

我絕對會hard feeling!!!!!!!!!!

但因為我倆都親友眾多, 要他們走來走去好似很辛苦
另一方面我又在想, 而家我結婚, 當然人就我, 無理由我就人架…
就算是山卡啦地方, 有心看我們証婚的我相信他一定會去
不過我當然不會在尖咀擺酒又去西頁証婚咁玩野啦

所以現在物色一些地點相近, 有氣氛, 價錢相宜的地點作証婚
心中是有兩個超級喜歡但又超難實現的:


1) 伯大尼小教堂 - 香港薄扶林道139號 (可以外借予非宗教信仰人士)
http://wedding.esdlife.com/articles/wedding-venues/bethanie/






真係堅靚的非教徒行禮首選!!!!!!!!!!!
不過價錢都很驚人:
兩小時借用 – $4800 + 星期日附加費 15%
必須用註場律師 - $5000
所有佈置另計, 由接待檯, 兩旁走道, 証婚檯, 咪, 音響都另計
媽的, 見得到的價錢已經過萬, 我去關島都得喇…

所以, 只得想。。。

(非教徒行禮教堂還有兩間 – 一間在西頁, 另一間在鯉魚門渡假村, 都是遠到pk)

2) 政府婚姻登記處
http://www.gov.hk/tc/residents/immigration/bdmreg/marriage/address/






yes!! 最傳統的 – 紅棉道!!
我比較喜歡傳統多於什麼鬼伊甸園
欣賞它的傳統, 嚴肅, 寓意
雖然簡簡單單, 但超級難book, 聽朋友說, 要發動幾十人幫手打電話預約的
又一句媽的, book唔到咪麻煩
政府只接受証婚日前3個月又14日的booking咋……

另, 尖咀文化中心的登記處為次次選……


3) 帝樂文娜公館 - 香港九龍尖沙咀金巴利道39號
http://www.theluxemanor.com/cnt/index.php







可能好少人知, 但我超級喜歡這精品酒店
之前還想book一晚房然後只為拍攝而已
一晚房價1600-2000左右
於2010年好像有新增証婚場地服務, 共3個”hall”
都是不同style的
但由於官網資料有限, 網上傳的又怕不準確
所以已經email去問了, 等覆中


除此之外, 也有很多新人都喜歡的証婚地點:

如按我喜歡排列的話, 就是這樣…

4) 緣美傳說 - 九龍尖沙咀諾士佛臺一號七樓全層
http://www.eternalring.com.hk/hall1.php


5) 拉斐特 - 九龍窩打老道38號
http://www.l-wedding.hk/


6) 世紀見証 - 尖沙咀廣東道 33 號中港城第三座平台 2 號舖
http://www.centurywedding.com.hk/


7) 伊甸園 - 九龍尖沙咀漆咸道南9號均輝大廈1樓
www.hkmcs.com.hk


暫時於我所想是 (2) 為先, 再看看 (3) 是什麼價錢吧!




2011年8月22日 星期一

SATAMI 莎娜美 - 我做了VIP!

見今日有點空閒就把握時間好好記下一些小配件的分享
由於8月頭拍攝pre wedding
所以7月中的時候趕緊上網好好了解一下girdle
花了數小時爬文
印象最深只有蔡太同satami
最後, 我去了satami於銅記的分店

最主要原因是除了girdle外, 我還想試下功能內衣
因為, 見到不少blog說功能內衣很勁, 又點點點, 最最最重要是可以改善寒背問題!!!!!
我好似開始看到救星了!! (感動)
胸部大不大我一直不是太上心
但寒背, 是我一生中最令我困擾的問題
加上現在長期坐在office, 彎腰工作一直改善不了
早些年我還會做gym加強背部肌肉希望可減少寒背
不過都不是太有效

所以!!!!!
如此貼身的衣物可令我寒背有改善的話
我會試!!!!!!
我不想結婚當天行禮我是寒背的....!!!!!!!!!!!!!!!! (完全不能接受!!!!!!!!!)

加上買girdle的需要, 這次我非常有動力!!
立刻收工就去了買~~

至於沒有選擇蔡太是因為我不想等!!
一排就排兩個小時, 傻的嗎?
我覺得價錢不是差太多的話
何不選擇有舖面有分店有試身室有私隱有信譽有系統的satami呢~?

好了,
一入到satami, 道明來意, 就試著唯一一款的girdle
我第一次著呀...... 完全在試身室發呆, 怎扣呀...?????
幸好sales姐姐關心一下我, 進來幫手
試了3個size, 最後確定了
其實girdle只要最基本款式, 穿得舒服又拓得自然已經非常之好了
不需要那麼多花款啦~

再來, 就試功能內衣
有點緊, 但包覆度非常之完整
功能性這一點要試一段日子才知道, 所以先不說
款式來講不是太多
不過就全是大路媽媽級的lace款
自己喜歡的款很少(也要功能合身才可)

最後買了girdle($288, 應該是加了價), 兩個功能款, 一個"半功能"款(背部輕巧d, 適合夏天~)
總數一千兩百多, 媽呀!!! 好貴, 不過只要寒背有改善就值得了!!

幸好夠數仲join了永久vip, 以後買野都有9折~
仲可以唔使show card, 只說member no就得, share比朋友用都可以~~
不錯呀!!!

(回家後計一計, 平均一個$300, 跟我平時去peach john買不過是貴了數十元, 不是太過份丫~!!)

Pre Wedding Photo 希臘女神(Beauty Hera) 4 - 揀相日

星期五跟簡生一同放了半日假
無他, 只為去希臘女神揀相喔~~~
是非常非常非常重要的一環!
好怕影得太好而選得太多, 也好怕影得太差而不開心

中午左右就收工
一起到佐敦食lunch, 選了澳洲牛奶公司
因為平時不會去這邊食飯
一直無緣品嚐呀
這次是大好機會呢~
而且, 上次職員姐姐有跟我說過由佐敦地鐵站行過去是比較舒服!

好了, 太多廢話, 入正題吧…

早到了15mins, 結果真的是夠鐘到約定時間才有人帶你去看相……
所以大家可以不用早到, 無人serve你的……

一入房坐下跟sales姐姐打招呼
心想, 幾好人, 不是八婆仔的sales性格
先看了一轉相, 看完後,
我竟然 無。感。覺。。。。。
結論只得一個…… 輯相唔靚……

唉, 又唔可以話全部唔靚, 但靚既太少囉
之後佢再比effect相我睇
頂, 佢將最靚最好最sweet既相用黎做晒effect相
我就好直接問, effect相我無咩興趣
但我想揀佢既原相, 得唔得?
佢好似有d免為其難咁話都可以, 但攝影師做既effect相都好好睇呀, 叫我考慮下
我都係話唔需要喇
之後再開始唔算太辛苦既揀相過程
1st round 淘汰了一半表情動作古怪, 角度不喜歡等一定永不錄用的相
2nd round 將差不多背景表情動作的再挑選, 最後得返50幾張相
我想再揀時, sales姐姐就開始sell我要晒呢50幾張相

但我已經立下決心, 按照自己以下目標
1) 不需要買多過10張相, 因為我仲有兩輯!
2) 不需要買effect相, 有softcopy我可以做得好過佢
3) 不需要加錢轉油畫架, 除非好鬼平!
4) 不需要做coating, 除非好鬼平! (我想將本相簿轉比星輝幫我做後期coating, 都不過是$3xx咋! 但有少少少在意不是無縫效果…)
5) 不需要將相簿封面做得鬼死咁靚, 我寧可買多兩張softcopy

經過兩個小時揀相傾價錢的過程
終於完成了!!!!!!

最後我都失手了一點點
不過仍然覺得好滿足好優惠, wahahaha!!!

以下是原本package所包括的東東, 藍字為join package時跟sales要求所送的項目, 紅字為新增加錢項目:
1) 20”*24” 油畫連架 (無加錢轉厚框)
2) 8”*10” 相片一張 (取消)
3) 5”*7” 相片兩張 (取消)
4) 8”*12” 相簿連相20 (新增5張相入相簿: 12, 24版連一張封面)
5) 20張相簿相片原檔CD(已執)
6) 追加4張相片原檔CD(未執) (4張相轉為執左既相+多一張effect, 入晒上面既相簿)
7) 4*6尺大型海報一張
8) 4R小相簿連相20, 跟大相簿一樣
9) 4R水晶相架兩個連兩張4R相片
10)  加錢轉做光面uv coating及無縫印刷

以上紅色新增項目是我們傾了好耐才出來的結果
而價錢我覺得是非常非常優惠!
試想想:
一張封面相加 $288
4張free給我們的原檔未執相轉做已執相入埋相簿加 @$110, 即$440
最平uv coating加 $1200
總數應是 $1928
而我們嘛, 當然不需要這個價錢咯,
是個優惠優惠優惠價~~
起碼我爬婚blog未見過希女有這個價錢, 呵呵!
sales姐姐本身不肯的, 我們最後一人讓一步
她取消了我的散相才ok
沒所謂, 我去晒相舖再晒都可以嘛~!

現在只等10月睇排版相版, 預計12月才有實物~

其實我都幾意外第一次pre wedding photo這麼的順利
又遇上不錯的工作人員,
完全沒發生不愉快事件 (亦是我很怕遇到的…)
雖然成輯相感覺不算很好
可能是廠景太單調, 花園景太求其
props的位置極其古怪 (有太多相是因為我不喜歡那個props的擺法而del的, props包括盆栽、bearbear、小花等)
又消失了我件婚紗最美的背部lace相! (當時我是主動要求阿丘攝影師為我多拍一點, 因為太喜歡了… 可惜揀相時一張都無……)
但這些事情其實每一間公司都可能會遇到, 所以我沒特別追究
始終, 由了解到拍攝都不過是一個早上的事
人家有多明白你的要求呢
所以, 我還是覺得態度先行
這次, 好想說, 我們兩個都好享受!
希望到取相時都一直keep到呢份滿足感~

2011年8月18日 星期四

Pre Wedding Photo 希臘女神(Beauty Hera) 3 - 影相日

8月6日 星期六

按約定時間9點15分到達希臘女神地舖
早一天有收到職員來電話確定時間
也提醒我們要自己下去地庫一樓, 因為地舖未開門
這次的booking也收到通知電話, 不錯喔!

早餐我只是吃了杯燕麥,
盡量避免產生不必要的小肚腩, 哈哈!
而簡生也一樣, 被我命令少吃一點, 影完才大吃一餐吧!

入到地庫, 就見到另一對新人
看來今早只有兩對新人咯~

職員姐姐帶我們到化妝房
tiffany是今天幫我化妝set頭的
很好人又健談,
她著我們把一會拍攝需要用到的東西先拿出來
再把其餘的個人物品, 貴重物品等鎖起
另一職員就叫簡生在外面等待
因為我要換婚紗了, hohoho
由於我選的婚紗背面是全通花蕾絲的
所以只能用nude bra, 我自己亦在家中先貼好乳貼
不想在人前暴光喔喔喔~~!!

換好後就乖乖坐定定讓tiffany化妝
我亦給她看了我昨晚上網找下來的少少參考照片
但我竟然買錯了碎粉卜……… (驚訝)
其實我忘記了買, 就請媽子代勞
就這樣, 錯了……
不過希女的粉卜也不過是$15, 不是貴, 所以算了

假睫毛我最後帶了四對!! 新買的KAI*1, 以前買下的公主李交叉8*2, 去台灣時買的超級濃密睫毛*1
下假眼睫毛也有一對
太多了吧……@@
tiffany試用兩對公主李疊在一起, 再試KAI牌
結果, KAI牌勝出! (我都好喜歡喔, 扭扭~)

化好妝就弄頭髮, 一開始已經上了髮卷
所以現在頭髮已經有大波浪了!
因為我清楚自己的臉型跟簡生的臉型
我是喜歡梳all back, 不過就會令臉更長, 而男方就不太均襯
這次可是婚照喔, 當然要兩位主角最合襯為優先選擇
所以我比較想有大側邊劉海
跟tiffany說過後, 她都非常同意
參考圖片再按我臉型修改一點
我覺得她很細心呢!

差不多個半小時後, 終於化妝頭髮配飾都ok了
其間簡生不斷進進出出, 說下低能笑話扮下低b仔
又幫忙偷偷地影相
連化妝師工作人員都說他未免太可愛了吧…… (我該開心嗎??)

之後就埋牙影相, 好緊張呀!
今日的攝影師是阿丘, 助手是阿庭 (希望名字沒錯, 同音ok啦)
看上去比較年青, 有點擔心經驗不足(!)
不過3個半小時左右的拍照過程都很歡樂
阿丘都很細心指導我們擺pose
我猜想這些pose是standard款啦, 哈哈!
不過仍然很開心有這兩位人兄
相比起別組, 我們這邊真的太多笑聲出現了… 嘩哈哈~!
我好記得阿庭整日說「你望呢度, 睇住我d好性感既(腳毛/手指/膝頭哥/眼神…)先得架!」
令我忍不住串他「知啦, 全公司最性感係你啦」

另外, 想提提的是
首飾很多都不錯看, 原來有部分是tiffany自己整的!!
換晚裝時配了一條黑色頸鏈, 好鬼靚呀!! 好想買左佢….. help!!
由於太多款, 所以她們會選兩款比我揀, ok就得
不然, 會再找別的.

拍攝程序:
1. 婚紗 配 花園景, 需要花球, 露齒甜笑為主
2. 晚裝 配 室內景, 不需花球, chok樣扮高貴為主, 再加standard大笑扭耳仔叫救命…(嘔…)

簡生只得一套禮服, 所以非常方便有聊地幫我用iphone拍拍拍
當然工作人員有提示不能拍攝
不過我們都偷拍了好多
雖然有鬆郁朦, 不過也好好了!

室內景只有4個主要牆面,
剛好一張全身照, 過一點就去了別個景
好細喔……
而花園景也是超級無敵細
那條樓梯直頭令我失笑了一下
不過, 我都沒所謂
我只需選24張相之嘛
所以一切都可以合理化!

差不多2點就結束, 換過衫就由tiffany幫我落妝
之後我自己再落一次
tiffany仲幫我束好d頭髮先出去

臨走時再跟今日幫忙的人員說聲辛苦了, 很開心喔之類
你好我好大家好是我一貫的宗旨
說多一句不用錢, 但大家也會開心喔!

另, 工作人員也有跟我說一下睇相日期
她建議我們book平日下午3點這些時間
我說我要返工喔, 如果收工後/放假會排到何時
她說要排到9月才有星期六日的空檔
所以我們選了19/8星期五下午3點
大家請了半日假, 沒所謂, 我們太多假放不完~ 呵呵!

最後出了門口時, 才記起tiffany沒有收我粉卜錢喔……哈哈……


希女pre wedding完成了一半啦~!!!!

Pre Wedding Photo 希臘女神(Beauty Hera) 2 - 準備!!

為了迎接8月6日的pre wedding有好好好好好效果,
需要作好準備!

以下是我必須做的事情:


1) 絲花花球
由於7月中時我已經在淘寶寶訂了一束粉色絲花(疑似牡丹, 我都不清楚喔~)
只有7朵大花+綠葉+小花苞, 是白中有舊舊的粉紅邊, 有點復古味道
一看就很喜歡
其實我本身想這樣就可以了
但越是看得多別人的花球 (去金都看得太多了…)
就覺得自己的太單調了點
作為勞作天才的我不甘心! (火)
所以跑了去花墟再買些襯花回家加工加工,
再上緞帶, 根本就跟街外買的一樣!
但成本只花我$12x~
而且是獨一無二, 完全心情大好~!!!


2) 手指甲
由於本身自己也是一名超愛塗甲油的女生
家中少說也有50支甲油
所以沒想過要到外面做gel甲
(big day當日就會做, 希望是閃石+雕花)
那pre wedding就塗塗甲油, 整齊明亮我覺得也不錯
星期六拍照, 就星期四晚在家自己替自己修甲
最喜歡方型~ 可惜今次留得不算太長… 有點飲恨!
再上保護甲油, 在微笑線上一點到指甲未端開始塗白色甲油做法式指甲
之後在微笑線上一條銀色閃粉, 最後上透明甲油就完成
這種做法我太熟了!
到星期五晚, 我再在甲面上貼鑽,
留待這晚才上閃石是怕會掉
沒辦法, 始終不是gel甲, 很難抓得實的.
出來效果跟gel甲差不多, 之後同事們都以為我去做了gel甲, 呵呵
但只可keep一星期…


3) 美白+保養
沒錯, 本身是黑底的我
為了這次拍攝
日日都塗足防晒才出門, 今年的太陽太毒了
不過拍攝日半個月前就去了兩次長隆水上樂園喔~~~~~~

是兩次… 兩次!!!!!!!!! (真的見鬼了)
為了不變成黑人, 花了點錢做足防晒
用了Shiseido Anessa的宇宙最強防晒50spf(face)+曼秀雷敦水上最強130spf(body)
真的有效, 天喔, 感謝你!

之後再密集式做美白/骨膠原/保濕面膜
以及定期去死皮, 磨沙
出來的皮膚真的太好了
(身體也需要喔, 尤其背部)
溫馨小提示, 面膜不宜日日用, 最好隔天用, 可讓皮膚有休息時間
而且拍攝日前千萬不可以用新產品, 免得皮膚敏感! (重要)

拍攝當日正好是m到的第三天
幸好沒暗瘡, 沒水腫
這就是保養的功效!!!!! (我深信!! 因m到前非常容易谷暗瘡…)


4) 檢查需要帶去的物品
如果要買就早一點買, 如假眼睫毛, 粉卜之類的
基本上我都沒啥要買, 化開妝嘛
所需的產品都有
不過還是買了一對新的眼睫毛,
可能平時用開的太自然(公主李, missha之類啦, 還有廿多對, 用不完的說…)
今次想要誇一點點的
買了KAI牌($38), 非常自然, 濃密, 漂亮!!!!!!
應該多買一對平時用喔!!!!!!
nu bra也有, 乳貼也有, 不用買
反倒是girdle, 因沒有, 就買了satami, 感覺很好, 樸素平實, 基本款
之後再介紹


5) 拍攝前一晚
一早收工, 再檢查一次要帶的物品
修眉, 清理毛髮
吃半份晚餐, 8點後不再喝水
11點睡覺

以最精神的狀態出發!! YOYOYO!!!

2011年8月2日 星期二

Pre Wedding Photo 希臘女神(Beauty Hera) 1 - 揀衫日

好, 先來記下最新鮮熱辣的事 -- pre wedding photo

本身自己都是喜歡拍照之人 (無論拍/被拍)

所以預計會大量出血在此項目
而簡生亦相當明白此項目之重要性
所以我們都不敢掉以輕心……

4月時去了一趟婚展
下了訂金, 豪join joseph photo(公司在北角)的 pre wedding 以及當日wedding day 攝影錄影
再用煌府婚宴送的優惠卷join了希臘女神
希女當然地只upgrade了最便宜的那一款package, $26xx
兩輯相在傾價錢時都盡我所能地r r r
所以我覺得內容不過不失 (笑)
而希臘女神我們當是一個練習一個預演
所以到當日拍攝時也來得輕鬆

付了錢後再過了2個月, 到6月時才再打電話到希臘女神
book時間揀攝影用的白色婚紗及晚裝裙
7月31日下午到達希臘女神店舖
上了2樓, 感覺環境不錯, 很舒服
不過在大熱天時行來行去已經出晒汗……
有強勁冷氣令我們爽了一下

有職員先安排我們坐在一角
看看相簿, 再選一些自己感興趣的婚紗晚裝
3本相簿由頭到尾先看了一次, 再行挑選
我的package是不可以選”D”款婚紗, 但真的比較華麗
也罷, 我才不會再花錢在這邊拍攝上
差不多用了半小時選了5件婚紗, 其中一件已有人用
所以sales姐姐再另外找多一件給我試

共試了5件
都是不同款式不同質料
起碼我可以知道哪一種我會較為合適
1. 白色底銀線花, 很傳統, 但拍攝的話銀線會明顯很多, sale姐姐力推

2. 前後都有大蝴蝶結, 太可愛, 完全不是我的style, 只為試玩…

3. 直身全lace, 很貼身, 很古典, 就像是春天婚攝那種, 大愛! 可惜希臘女神的場景完全不搭配, 好好好可惜!!!

4. 超長拖尾, 布料超級厚, 影相的話應該不錯, 個人感覺不錯, 但真的太重了, 看著看著有種把檯布著上身的感覺 (後尾想想, 真的很似酒樓白色檯布的質地…)…. XDD

5. 背脊位置通花全lace see though, 前面有釘少少珠片, 很多很多的lace, 長拖尾, 這根本就是屬於我的嘛!!!

意思意思的三心兩意一會, 就定了第5件, 嘖~ 真是有夠合我的!

選好白紗, 就到最頭痛的晚裝……
可能是希女太少選擇, 又或是自己沒有特別喜好
顏色很難選, 更別說款式了……
我一款都沒揀得上, 只好跟sales姐姐說
要她幫幫眼, 幸好她非常極之nice
一路跟我說了很多
如, 可以選一些big day當日未必會選的顏色
再問我沒有很想要的顏色, 就說出很不想要的顏色吧, (粉紅, 黃, 太淺色的我都不太喜歡)
之後她就找了數件出來給我試

好像是試了3件, 一件黑銀白, 一件綠藍, 一件綠
黑銀白 – 難得地簡生給了意見: 「很像雜誌湊埋一堆的垃圾…」=.=|||
綠藍 – 喜歡, 料子也很舒服, 前胸部分有點特別, 不只是low cut / v shape
綠 – 超級宮廷款式, 像演話劇, 立刻想脫掉喔~~~

試完後再跟sales姐姐說, 想試一下紫色的
但她建議不好, 因為希女背景顏色偏紅&紫
怕效果不突出
所以我最後選了綠藍那件, 自己也很歡喜~~

confirm多一次已選好的衫及拍攝時間
再叮嚀一下當日注意事項
而希女亦有一張溫馨提示紙給我們
也列出可能收費的項目, 不錯, 很清晰!
我也幫簡生加了化妝+gel頭費, $100

好了, 解決了選衫問題, 又踏出多一步
心情好鬼死興奮, 好想快一點影呀!!!

離開希女後, 我們興奮到在街上一直說說說
真的超級期待我第一次影pre wedding!!

2011年8月1日 星期一

好想寫!!

其實開blog開了一陣子, 但仍是沒太多心思去寫
還開了兩邊...... 最愛的pchome 及 最受JM歡迎的YBLOG......
一直沒寫最主要是,
一回家已經太累, 二在電腦前的時間太少(很大原因是iphone代替了咯)
但, 仍然很想寫下所有東西
除了辦人生大事的各項大小事務細節外
也想記下心中所感所想
真的, 人腦的空間很有限, 沒可能記得太多如此細膩的感覺
這樣就要靠白紙黑字的記下來
好讓我倆有更多更歡樂的回憶!

還記得以前在學時
天天寫 天天記
現在看回, 真的很回味!!

所以, 努力吧, 我要把我的婚禮全程記下再自己出書! (好一個宏願... 遠目)


嗯, 將會不定期追加之前的大小事:
1) 決定篇
2) 提親篇
3) 晚宴篇
4) 配件篇
5) 婚攝篇
6) 租衫篇

婚紗

第一次試婚紗, 過於感動, 鼻頭酸了一下,
戰戰兢兢的心情出來見未來的老公
相視一笑, 原來愛一個人愛到要結婚是這麼一回事......

花了一個半小時選好下星期六婚攝的白紗及晚裝
再說一下注意事項就離開了

一出到外面,
跟他說「我試第一件婚紗時就很想哭了......」
然後, 就在尖沙咀大街上哭了出來
太微妙 太感動 太沉重
一件婚紗 比我想像的還要觸動心靈


還有一年多4個月, 我就是簡太了,
還要感動多少次, 呵呵~!

2011年4月11日 星期一

準備嗎? 人生的另一段生活!


新的日誌
就讓我來記錄我們的一點一滴一笑一靨

親手送一個祝福給最相愛的我們。


* * * * *


3月中不小心行了一個婚紗展
就在一切零準備下開始排程
好想高呼, 究竟怎麼了??

沒錯, 在還沒求婚前就開始
跟家人說了
開始看酒席了
上婚網爬文了
周圍問建議了

一切真的好不真實
所有的東西都來得好不真實


終於, 都要面對了。

不是沒想過, 只是覺得一切都來得太急......
還有一年七個月, 來得及嗎
可以處理得到嗎

尤其是第一階段
好像什麼都不如意

脾氣是大了
忍耐力是少了
哭的次數多了

我只想簡單點選擇自己喜歡的方式跟最愛的人分享喜悅
但, 只是我一面倒的錯誤想法吧

盡量取一個最好的平衡點

現在, 需要的是身邊人無限量支持!