2012年12月12日 星期三

淘寶。結婚花材/用品/物資/回禮 I

其實為了自己big day可以慳少少但又靚少少
好多野都係偉大既淘寶淘返黎~~
買得好鬼開心~~
但次次都千千聲既......=.="
雖然好似成日千千聲, 我後尾睇返record
關於結婚野, 都係得兩次過千咋~~~~
好多時都係同同事/朋友一齊野先過千, 唔關我事架~~
hahaha!!


等我分兩回同大家分享下有d咩荀野淘先~



1) 美式鄉村必備/美克美家/仿真花/仙履奇緣玫瑰新娘手捧花束
由於我買果間已經無再出呢款, 所以唔post link了
買左呢束, 再加左少少襯花, 就用黎影希女prewedding
大牡丹花束 rmb59.00
其後加埋運費, 匯率, 絲帶, 襯花, 鐵線等等
一個花球只係hkd130
抵玩~!!

(ps, 我係香港搵唔到呢個粉紅既牡丹, 實物真係好靚, vintage, elegant~~)








2012年12月11日 星期二

DIY。愛的宣言

由於上年已經做過一次愛的宣言比好朋友
可以叫做駕輕就熟, 嘿嘿

自己覺得最重要係logo同內容
我最花時間就係愛的宣言既內容
上網周圍睇下有無咩愛的宣言令我感動的
無錯, 我想搞笑得黎唔色情但又warm到我
最後, 比呢篇最後一句感動了
「個個話你好鬼傻, 多謝你肯嫁比我!」


原先網上版只有十句左右
自己再花d心思加長佢, 令到佢第五至九句既第一個字可以串埋做:
「今生今世只愛你一個」
嘩哈哈哈哈~!!!!!!!!!

ko了內容, 比班姊妹睇
個個都話好襯我地~
尤其keyword, 女皇, chanel, 體罰個蘿等等~~
仲話我聽到個傻字一定喊, 無錯, 我果日真係一聽到個傻就淚眼.....T_T

內容準備好
LOGO用返之前印燙金貼紙果個
選色都花左少少時間
但因為愛的宣言只係早上用
想fresh d
都係用返我好中意既鵝黃同草綠
heehee

再配返少少花花圖案唔好咁單調

一晚就完成了~
online交去banner shop印
3日後就可以到門市收貨, 正到爆!!!




成品資料:
29.70cm x 42.00cm
雙面普通foamboard 5mm 用pp貼裱啞面

軟件:
AI, PHOTOSHOP

OUTPUT檔:
用PHOTOSHOP轉PDF
(記得AI要出OUTLINE先)

印刷公司:
www.bannershop.com.hk



ps: 我係big day 前5日先做咋, 哈哈哈哈!!!!!!!!!!!!




DIY系列:
http://www.ja20121111.blogspot.hk/search/label/%E2%98%86%E5%9B%8D%E2%98%86DIY



2012年12月10日 星期一

呵呵, 竟然上左yahoo人氣精選!!

係188 facebook group見到有jm話我篇文上左yahoo blog既人氣精選~~
嘩, 開心得我丫~~~~

仲唔cap低幅圖咩~~~~

Screenshot_2012-11-17-20-55-01a


Screenshot_2012-11-17-20-55-19a


多謝大家支持~!!!
辛苦簡生既努力, 380張花邊, 好鬼死靚!!!!!!!!!!!!!!!!!

歡迎大家翻睇再翻睇, wahahahaha!!!>>>>

解構我的請帖~!
http://ja20121111.blogspot.hk/2012/10/blog-post.html



2in1完成。我們結婚了!!

沒錯, 我們結婚了!!!!







不好意思, 快一個月了才在這裡寫post
沒辦法, 真的好很忙
由婚前一星期忙到天昏地暗日月無光後
再加big day前一日電腦down左, 連back up既usb手指都死埋開唔返
一日之內又要再amend過晒所有rundown, seating plan, packing list, song list
喊到我死左, 不過都叫自己唔好喊咁耐無時間做野啦之外
一切都好正常, 好順利
(基本上, 死機呢樣野已經令我對所有野零要求了......T_T喊AGAIN)

一結完還晒衫就走佬咁走左去布吉hea爆一星期
係我呢年幾以來最relax既一星期!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

點知放完假返工先係地獄既開始
連返左兩星期無放假
忙到爆瘡爆廠爆肺爆咩都好啦.......
終於12月2日終於完了今年最後一個珠寶展
媽的, 上年我為左逃避唔想成日出差做展覽而轉工 (當然地人工都係好大因素...=.=)
而家同之前一樣喔!!!!!!
今年做左7個, 係7個fair!!!!!!!!!! T_T

又離題了~~


咳咳, 其實簡太生活差不多一個月
分別真的不是太大......=.=
可能我仍然是跟夫家一起住
似搭伙多, hahahaha!!!!!!

出年目標, 買樓, 去歐洲!!!!!!
希望是但做到一樣啦~~ ush!!!!!!!!!!!!!


而家有d時間, 會陸陸續續update婚前婚後既diy, 心路歷程etc.....

同埋, 有無人有興趣要我的婚後物資.......
有朋友已經好給力的買下我的紅酒了~~~~ ((((拋花轉圈~~

婚後物資大約有少許利是封, 花炮, 紅鞋, 敬茶用具, 紅傘, 玩遊戲用的石春路, 草裙, 兄弟綠色tie, 綠色bowtie, 三叉吊帶, 上頭用具, 短身婚紗, 頭紗...... 我要努力整理下先得.....=.=



2012年11月2日 星期五

淘寶。燙金貼紙

帖都派完喇成個幾星期, 而家仲有8日!!!
keep住緊張添~~

所以要偷d時間分享下
放輕鬆一下~

先再來講講個貼紙 (終於捨得打post...=.=)
因為之前係>Nezumi < 既blog度見到佢介紹
眼前為之一亮呀!!!!!!!!!

無他, 已經收到太多朋友用火漆印
係好靚, 但太多人用, 同埋花時間
朋友, 我成3x圍 (日日都擔心緊control唔到...), 起碼280張帖
真係驚個成本太高&無咁多時間一個一個印比人 ~>.<~

所以貼紙真係方便好好好好多~
又可以tailor made, 岩晒我啦

拍板後, 就同店家溝通
如尺寸, 燙咩色, file output用咩檔, 生產時間, 包裝, 運費等等
了解清楚後
用了2-3日起左個draft出黎>>>>>>


原本諗住反白燙金架
但店家話唔可以咁樣, 叫我再修改, haha!

又改為以下款:



朋友一致決定第三款比較好
又有love bird, 又有繞花邊
好岩我, haha!!

跟住send比店家
問佢file有無問題, 叫佢開一次
cap圖比我睇, 有無d字款錯左咁
不過我用ai做晒outline, 應該唔會出錯
所以好順利咁拎去印啦~

過左幾日, 我問佢印成點
佢話已經印好
我要求佢拍實物圖, 佢好合作呀
send了以下圖比我睇, 超級放心~~~



就係咁, cfm無問題發貨去我間集運中心~
無耐就收到了~~~~~~~!!!!!!



成品超靚!!!!!!!!!!!!!!!
比想像既好好好好好好多!!!!!!!!!!!!!!!!!!!
個價錢又平, 呢個價只可以係香港起到個燙金版咋陰功......

店家仲要印多成100個比我
雖然有~30個印得唔太清楚, 但店家有比多
所以無問題的!!

推介: http://shop58709902.taobao.com/

2012年11月1日 星期四

[試用] NESCAFE。極品白咖啡

點解點解日日都咁忙架~~~~
想偷d時間都唔得...... 真係好悲哀呀~~~~
而家仲有十日就係big day!! 好緊張~~

晚晚都做rundown, diy, firm實一大堆野
結果成2-3點先訓
但又一早起身返工
累到呢......
只好日日飲啡頂住先

岩岩試飲緊雀巢白咖啡!!!!!
係白咖啡!!!!!!!!!! 唔知點解我幾中意白咖啡既味~ hahaha!!!

一早起身飲返杯真係人都醒神d囉!!! 我要keep住精神做野~~~~ osh!!!
味道真係幾好, 一沖出黎就嗅到咖啡香
前一刻個人都仲未回魂, 下一刻已經醒一醒!!
入口又滑, 可能白咖啡比較睇重咖啡同牛奶既比例啦~~~
個人不嬲都中意奶味重d 又或者係古古力味, 呵呵
所以呢個好岩飲~~ heehee!!!

2012年10月25日 星期四

Yahoo Blog 又趕客!

yahoo blog真係痴q左線啦~
無啦啦cut左"最近更新"
我咪追唔到各jm既新blog
只可以一個一個咁入去睇下有無更新
其實yahoo係咪想迫走晒d人姐......??????

好鬼討厭呀....!!!!!!!
唔通要搬走呢度?????


>>>>>
[重要公告] 功能暫停
http://blog.yahoo.com/yblog_hk/articles/714482

2012年10月16日 星期二

解構我的請帖~!

過完大禮, 當然地開始派帖啦~~~
但, 我又係對張帖有太高既要求喇...................
又係玩死自己同簡生既項目........=.=

不過, 唔緊要, 有心就事成
而家我地d帖派得七七八八, 個個都讚靚
所以話, 唔好睇少酒樓所送既免費帖
加工後, 成件事grand左elegant左
最緊要唔會洗好多錢~~
呢個係我地既目標!!!!!!!!!!!!!!!!!

有追開既朋友, 可能仲會有少少記憶
我張免費帖係下面左邊果張~
拿!!! 再用自己既花邊punch打返條lace邊變成右邊果張...
好靚呀!!!!!!! >////<
試做左一張已經興奮到死
無人可以reject我打晒呢380張帖既決定!!!!!!!

加工完之後,
就張餅卡, 利是仔一齊入帖.....
但張帖太fit size
加埋餅卡同利是, 好似想爆咁......XDD

入好晒就開始print 人名
我地買左laser film sticker a4 size (上圖左上角)
可以放係laser printer度打印
只需預先係word/excel做好表格, 有少少淺色虛線
打好人名, 試下對位, ok就print
print完再cut

因為我地d字唔係特別靚同企理
都係print算啦~

一包10張, 我係深水埗買, $75.


之後再加埋
我自己設計既燙金貼紙~~~~


完成!!!!!!!!!!!!!!!!

第一班收帖既好朋友with大啤~~  hahaha!!!!!!!!!
點都要留個念, yeah!!!!!!

下篇講下我個燙金貼紙先~~~

搞一搞過大禮。禮成!

係呀, 係我忙到日以繼夜再夜以繼日又再日以繼夜時
過大禮就悄悄地進行中......

我連過大禮果日都仲要返工, 慘豬!!!
仲要仲要無得早走
因為有個客無啦啦提早左黎香港
無啦啦要求我地接佢
佢果時係機場囉
要接佢返公司再睇貨, 睇完再送佢走.......
我不知係心入面小左佢幾多百萬次.......火︿火

ANYWAY, 因為我屋企人話過大禮我出唔出現都無所謂(???)
所以我只係晚上一仆一碌咁飛去利苑同大家食晚飯
果餐食左4千幾5千添呀...=.="
多謝簡生......

以下呢堆就係我既過大禮啦~~~~~
好正呢~~~~~

除了立興果套過大禮套裝外, 再加了海味, 奇華既禮餅, 紅酒, 大大籃生果......

辛苦晒簡氏三兄弟~!!!!!!!!!!!!!!!
I LOVE U!!!!!!!!

上環。買過大禮海味

由於9月係爆忙
但又mark好左919過大禮... (搞一搞過大禮~XDDD)
所以9月頭同簡生同未來奶奶一齊去上環海味街放血


真係搞左4個鐘度..........=.=
其實我真係唔識分咩係好定唔好!!!!
最後, 買左六樣野 (其實一開頭我prefer 4樣就ok架啦=.=)

1) 發菜 (好似$40-50/兩)
2) 日本花菇 ($198/斤)
3) 元貝 ($460/斤)
4) 蠔豉 ($158/斤)
5) 蝦干 ($258/斤)
6) 鮑魚 ($328/罐)

以為唔會好貴啦, 點知真係好xxxxxx貴架!!!!!!!!!!!
呢度又放左成3千血了.......

商戶:
安記海味 - http://onkee.com/b5/shopping.asp
信誼商行 - 上環高陞街43號C地舖

* * * * * *

網上資訊:

海味﹕分四式,六式或八式,款式與數量視男家的經濟狀況而定。 每款通常分兩包。其中髮菜是必須的,以取其發財之意,而其他的海味有鮑魚、蠔豉、元貝、冬菇、蝦米、魷魚、海參、魚翅和魚肚等。

多數配搭如下:
花菇 - 花開富貴
髮菜 - 發財好事
元貝 - 天賜良緣
蠔豉 - 好事年年
花膠 - 如膠似染
鮑魚 - 包羅萬有
蝦米 - 嘻哈大笑
海參 - 情比海深

DIY。襟花 II

終於又偷到少少時間打一打下野
不過唔長篇大論了

去片


基本上所有襟花手花已經完成
只差姊妹手花既絲帶
怕一早整好會"被"口, 所以遲d先搞

同埋, 之前係囍嫁度買上頭睡衣&拎囍帖信封時
唔小心r左姐姐, 送左10個襟花連T字扣比我
HAHAHAHA!!!!!

但襟花我又整好晒啦嘛
所以, 我諗住將送果D拆散
花花可以做車頭花, 車門
而T字扣就用返係我D襟花度
見先果排有D時間就將男女家襟花轉為T字扣
等長輩易D用

其實都好麻煩架!!!!!!!!
點解我又要忍唔住做D咁既野~~~~~~ XDDD

要將絲帶拆晒, 包多一次
又包返絲帶
再加熱溶膠固定......=.=

不過都OK既~~ HAHAHA!!!!


2012年10月4日 星期四

忙到唔知點好

真係忙到唔知應該做邊樣野好........
由九月連踩兩個FAIR, 一個泰國一個香港
中間仲要過大禮
忙到得閒死唔得閒病
日日訓得果5-6小時
返工要應付數唔清咁多既EMAIL, 報價同INVOICE
收工要應付結婚的一大堆細節野

我真係就爆啦.........

原諒我未能UPDATE進度
給我加油吧......

哈哈哈哈.......

2012年9月11日 星期二

DIY。襟花

嘩哈哈哈哈!!!!!!!!
我都好想比個like自己
因為我係8月尾用左兩日就已經ko左一大堆DIY襟花

呢個係第一日用一個晚上一口氣KO了8個女家襟花:
IMG_20120826_015730

其實真係唔難整
不過我發現有d花苞絲花不是太牢固
最後有用熱溶膠補一下

之後就第二日, 簡生都來幫幫手
剪下d花莖, 絲帶, 貼下雙面膠, 執下手尾......
其實都唔多野叫佢幫手, hahah!!!!

ko了男家襟花x8, 兄弟襟花x6, 姊妹手花x6:



呢個係我ideal既reference:


少少似都ok架喇~
因為有d配花改左色/款
但出黎既效果我都好喜歡~!!!!!!!!!!!!! ^0^

不過姊妹手花仲未加絲帶
呢個可以之後再加

花花系列只差花車deco同簽名筆
如果有剩都會留返到時reception做deco
因為我問朋友借左個白色birdcage!!!!!!!! 有大中細size!!!!!!!!!!!!
好興奮呢~~~~~~~~~~~~~~~


題外話:
之前淘寶買了一支熱溶膠槍
諗住拎出黎用時先發現佢係廢既~~~~~!!!!!!!!!!!!!!!!!!!!!!!
頂, 要用時先唔work
簡生仲將佢支解左睇下救唔救得返
但都係放棄了, 人仔15左右...... 都預左未必work
所以最後係樓下五金舖買左支細版
都係hkd35咋~~~~~~~~!!
文具舖反而要hkd59!!! 一樣架wor!!!
其實都幾抵~ 早知樓下買算啦~~ hahaha!!!!

立興。過大禮收貨了!

上回說到立興過大禮套裝
最後, 等我firm晒有什麼是淘寶買, 什麼是立興訂
再同立興的郭生email來來往往
終於23/8 confirm 了價錢, 收貨地址等等......
由於我不趕著要, 所以沒有要求發急件
郭生27/8寄貨, 我28/8下午就收到了~~~~~
我直接寄去簡生屋企, 一大箱野都係hkd60運費
比我地上去筍崗的交通費仲平呢~
(我地真係好唔想大熱天時上大陸買野....)

同埋, 我之前真係好conern點樣比錢呢????
淘寶都話可以網上支付寶丫
咁立興點呢~???
好在, 郭生覆我話
直接將訂單總數人民幣交比快遞公司就得
因為有d快遞公司係可以幫店家收埋貨款
記得拎收據就可以了~
收完貨check過無問題
我都有email郭生交待返
咁樣就大家放心嘛~~

我買了一套過大禮藍
女家上頭 1份

30CM禮炮 12支
啤牌 4個
回禮小利是封 玫紅 350個
百元利是封  紫色 50個
紙杯 中size 50個

回家立即開箱檢查
完全沒有任何問題
還比想像中好~~~
其中有少少少少失望既係...... 一件小小小禮物都無~
你知啦, 淘寶店家有時都會送下d贈品仔架嘛
哈哈哈~~

以下係大合照~~ yoyoyo!!!

我都有一路格住價一路同郭生deal
但有d都由佢了, 1蚊2蚊就算了
所以價錢我覺得好正常, 同香港比, 直頭抵到爛啦!!!!!!!!

我好中意個金椰子~~~ 仲好足磅添呀!!!!!!!!!!!!!


(雖然, 呢d過大禮野可免則免, 但當家人需要時,
這種質素絕對是見得人的~~~)

188。茶聚

(係呀, 後補架...)

8月19日

多謝小欣係facebook發起活動~~ 188飲茶~~
偷返張相放下先:


過了一個歡樂的聚會
又可以八下已婚既48圍新人點樣可以敬茶敬快d!!
又可以八下好勁既mc點charm法
又可以八下邊張信用卡好
真係太多話題要分享
2個鐘係堅唔夠的~~!!!~~~!!!!

hahaha~~~
仲有收到米太太既手作~
補返張合照先~~ heehee!!


因為之後約左姊妹fit裙, 好趕地走了
期待下次聚會~~

2012年8月31日 星期五

心情小記

有時會嬲屋企人唔care我
好似我做既所有野都唔岩佢地心水
又唔體諒我倆情況要好多好多禮金
搞場婚宴要就佢地兩個辦到成40圍
成百五人我都唔識既都請
好似佢地公司annual dinner咁
又唔知物價高
咩野都要, 仲要貴野, 錢就我自己比......

但早兩晚係屋企食飯
爸爸放假所以佢煮, 又蝦又蟹
食到咁上下, 淨返一兩隻
佢主動夾比我
我話唔使啦, 好飽啦, 比細佬啦
佢講左一番說話令我有d感動:
「夾比你, 你就食啦,
我地以前屋企唔會比男仔食咁好架,
阿爸媽教落, 男仔食好野, 要學識自己搵錢
搵到錢就食, 女唔同架,
係屋企食就要食好d, 嫁左人就一世架嘛......」

果下好feel到佢唔捨得我喔!!!!!!!!!!!!!
所以, 無論點我都會盡量滿足父母既要求~~
只要能力所及, 我都想做好d......
(不過話時話, 佢真係覺得簡生養我唔起......=.=" 
我都唔係好難養姐.......)

同埋, 我想講, 我會返黎食飯架嘛........
而且, 我有工返, 有錢賺到, 自己會識食好野的, 哈哈哈!!


* * * * * *


同友人L先生去食飯飲野吹水
談及我快將成為人妻
佢話之後唔可以再搵我happy hour
話晒我係一個人妻wor
仲要搬左去港島
講到好似唔見得咁

跟住我心諗
唔通嫁左人就無晒夜生活無晒happy hour?
其實我真係有d擔心
尤其會搬入去同奶奶一齊住
雖然有時五六日都會同住
但all days的話真係會擔心
唔可以興起約人飲杯野
唔可以興起行街行到夜一夜
唔可以爛醉回家
唔可以叫成班人返黎開party

原來我真係好驚會適應唔到....=.="

L先生問我, 有無懷念single既時候?
我絕對有!!!!!!!
所以我同佢講, 你而家好好enjoy一下單身既生活
真係好free架!!!

一個人有一個人既好
咁當然地兩個人亦有兩個人既好
尤其搵到真心真意既另一半!!!






2012年8月29日 星期三

Joseph Photo。收貨篇

8月中
已經按捺不住打電話去joseph度問問
幾時有貨收, haha!!

查詢完過左二日就話可以拎了~
yeah!!!! 轉圈轉圈!!!!

有時d野真係要mark清楚schedule!
果時揀完晒firm晒排版entouch之後
佢話要需時個半至兩個月才完成
我就mark6星期
一夠6星期就打上去問問
因為有時職員唔係懶
係真係多野做, 而未咁快將已經完成左既野分好再打比客人
所以, 自己都要有責任
差唔多時候就問一問~~~
you see, 又真係已經有~~~~~ wahahaha!!!!!

同簡生夾好期就收工去北角拎喇~~
我想話, d size好似比想像中大左咁多既.........=.="
定係我對size既概念有誤..........

個油畫係堅大幅
比希女仲大......................
但, 綠色草地好靚!!!!!
個九格相架都好靚, quality勁好!!!!!!!
相簿有2本, 一本係magazine款式,
另一本係水晶面 -- 重手到呢~~ 簡生非常之咁喜歡!!
佢仲跟埋一本index, 都ok wor, 唔係流野, haha




DIY。Will you be my Bridesmaid?

其實我真係好中意整無聊野呀!!!!!!!!!!!
由構思, 買料, 試整, 排位, 再開工, 又剪又釘又貼又塗
成個工序好似好長又好煩咁
但我一d都唔覺架
仲好enjoy添!!!

因為可以係自己wedding上面花心思真係好有意思架嘛!!
所以, 有時間的話
真係不妨做下小手工
無論係咩都好
都係一個過程同一點心意~

今次做bridesmaid card!
7月尾時就開始約姊妹團度期一齊做姊妹裙
由於有一姊妹是飛來飛去, 好鬼難夾到期的空姐朋友
所以主要就到佢先再mark其他人~
又可以互相介紹大家ma (主要都係分為小學同學 & 大學同學兩group)

見咁齊人, 就花左點心機做張邀請卡比大家
算是第一份給姊妹的小禮物!

好, 先來看看成品~~ kaka!!
我自己都好喜歡呀!!!



2012年8月27日 星期一

8月完成項目

整個8月也好像好忙喔!!
已經ko了部份item

1) 已拎Joseph Photo 相簿油畫
2) 姊妹團已選好裙試衫ed, 等個半月後再fitting
3) 已送出"will you be my bridesmaid"卡, 好開心!
4) 已開第一次會, brainstorm一下接新娘遊戲
5) 已做好男家襟花, 女家襟花, 兄弟襟花, 姊妹手花仲差少少
6) 已落order訂過大禮套裝, 本星期可送達
7) 已confrim燙金貼紙款式, 製作中, 本星期可完成
8) 男家同女家已再食多一次飯傾禮金問題, 妥協了

呢排無心機分享
list out先, 有機後補。。。

2012年8月22日 星期三

米太太。手作photo frame

frame

係咪好靚呀!!!!!!!
呢個係米太太送我既手作仔~~ (都唔係"仔"啦, 佢12"x12"架!!)
係我好中意既colour, lace, love bird, 翹花花!! 哈哈哈!!!
完全unexpected咁正呀!!!!!!
搞到我返到屋企仲係咁拎出黎望~~

呢3張相我都好中意的~~
左邊係墾丁影架, 大草園滾住地咁玩
右邊係情人橋, 影咁多次得呢張周圍係無人的!!!!!!!!!!!!!! 平時多人到爆~~
中間就係joseph photo幫我們影的, 石澳景
夾出黎既感覺好fresh呢!!

同米太太好有緣~
因為book左188而識到一班jm
add了facebook傾計
發現大家同一間中學~ @@!
之後我轉去另一間升中六
竟然係米少果間
我係佢地兩個的師妹, haha!!
雖然大家未見過
但好似有種好微妙既感覺~~
呢個世界真係好細呀!!!

哈哈哈!!!

多謝你呀, 米太太~~
我非常喜歡這份禮物!!!!!!!!
希望你繼續做到自己喜歡的事, 當然地同米少幸福開心!!

米太太workshop: https://www.facebook.com/#!/MiTaiTaiWorkshop

立興。過大禮

身邊實在有太多人同我講買過大禮野, 去立興啦!
根本而家過大禮=筍崗=立興!!!!!!!!
我諗佢9成生意都係香港人~~~
哈哈哈~~~
本身想淘一淘
但真係無一間淘寶店好似立興咁咩都有, 可以一次過ko
有d淘寶店有我想要既利是封但又無椰子
有椰子既就無貼紙
有貼紙既就無花藍......=.=
所以我都係去返立興算啦

比較特別既係
我唔想返大陸呀呀呀!!!!!
只好用email+電話同郭生連絡
佢好好人, 忙成咁都可以email報價比返我
(雖然要隔兩日先收到)
暫時都定好要訂既野
等郭生覆實就可以寄落黎啦~
(其實都要睇埋父母仲有無特別request......)

不過有樣野唔好
咁樣隔空傳遞法令我講唔到價......=.="
但我都有係咁意比較一下其他人價錢
無特別貴到就算數了
話晒我慳左一來一回既車費嘛

我就係想訂下面呢一set野:
有d真係唔想要(ie:茶葉, 檳榔...), 不過取消左又唔會平返比我
都係焗要......

希望佢唔好寄漏野就好啦!!!!!!
送多兩包利是都好丫~~ hahaha!!!!

2012年8月17日 星期五

淘寶。好瘋狂呀!!!

7月尾在淘寶淘了成千蚊喔喔喔~~~~~~~~~~~~~~~
真係第一次買咁多野
之前都係加埋朋友野先咁多
今次立立雜雜咩都買
最後集運成8-9kg寄到香港
都係rmb55!!
同埋有d舖頭滿額免運費到集運地方
所以係運費方面唔算用了好多~~

今次有一半都係結婚要用既野~
淘了一大堆花材
再加埋之前米太太送比我既少少花材
我覺得都係唔夠喔......=.=
可能我要整埋車頭花, 需要多花量
所以有點勉強
不要緊, 到時再去花園街伯伯度買~~



同埋我響淘寶搵唔到有比較靚少少既仿真蘭花....
又唔敢博
所以都係去了繽紛買
最貴係佢, haha!! 但真係好靚x10000!!!!!

20120808_223515A

暫時會整呢堆野
1. 男家襟花 6-8個
2. 女家襟花12個
3. 姊妹手花 6個
4. 兄弟襟花 6個
5. 主花車車頭花 1盤
6. 主花車車門花 4個
7. 28van車門花 8個
8. 簽名筆 4-6支

真係要度一度期開工先得~~!!!

仲有一d係配件+絲帶~~
上右係順便買回來的攔門花球
咁岩有家店有賣, 又唔貴
~25cm直徑的攔門玫瑰花球!!! 好喜歡~~ hahaha!!!!


呢包就係成千蚊既野:


咁當然地淘得唔好蝕
又買左d衫呀褲呀裙呀袋呀電話case呀咁囉...............
wakakakaka!!!!!!!!!!!

2012年8月16日 星期四

2012/08/16 進度表

唉, 得返3個月咋......
update返個進度表先發覺
原來都有幾多濕碎野要做!!!!
唔可以再hea了~~

尋晚食飯時, 我同家人講話我幫你地買埋利是封啦, 有個囍字果d!
baba竟然問, 要黎做咩.........
我話要黎封比當日既兄弟姊妹呀工作人員呀咁囉, 個個都係咁架
baba就話, 好啦, 你幫我地買埋啦
點知, 我媽黑住面咁講「唔使, 我自己買!」
全場dead air唔敢出聲
我呆左, 乜事呀而家, 無啦啦發脾氣
我忍, fine!!
之後, 我話我係婚紗展book左40支紅酒啦
法國架, 仲要2005年, 好正~~
但佢係零反應......
講完都覺得自己好似對住空氣講野咁.......
得我細佬回應我 =.="
我真係唔明, 個個結婚都係開開心心既
點解佢係要令到大家面左左????!!!
我究竟做錯咩事先???
(好, 怨氣發完~)

今個月ko目標:
1. 姊妹裙, 男禮, 奶奶衫, 大嫂裙
2. wedding logo, 訂製圓形燙金貼紙
3. 訂過大禮套裝
4. diy 手花, 襟花
5. 兄弟tie
6. 呢個星期去拎joseph photo相簿
7. 交file比囍嫁做簽名布, 成長片段
8. 囍嫁拎帖
9. 買利是封, 囍字貼
10. 幫細佬訂西裝

Preparation List
Updated at 16/8/2012
商戶狀態
婚禮日期11/11/2012
婚宴地點煌府188
Wedding LogoDIY已有眉目, 仍未做好T_T
當日流程表 Rundown 未定
兄弟姊妹分工表 未定
Contact list 未定
Check list 未定
賓客人名表未定
過大禮 / 回門
過大禮用品(椰子, 檳榔, 龍鳳燭, 對聯, 禮金封, 包羅萬有封, 花籃, 紅頭繩, 茶葉…)未買淘寶
海味未買唔識買呀……
西式餅咭美心已買190張
中式禮餅榮華 / 奇華已買20張榮華 (簡生再回購朋友的奇華…=.=)
過大禮事宜日期, 出席人物未定預計農曆七月後
囍字,  其他屋企裝飾未買淘寶
上頭用品未買淘寶
嫁妝事宜父母決定已買金飾
牀單、龍鳳被、睡衣未買應該會係CASABLANCA
回門事宜未定唔知有咩要注意…orz
回門燒豬煌府188煌府送
接新娘 / 出門
遊戲物資姊妹自由發揮
愛的宣言 / 賣身契DIY可能e-print
攔門花球已買淘寶
跪墊,  紅傘, 敬茶茶壼杯子已買
紅紙杯未買淘寶
花車Hoffman L.紫色倫敦的士, 5hrs, 已付訂金
24 VAN Hoffman L.24座van, 4hrs, 已付訂金,會現場加鐘
私家車??
結婚註冊及晚宴
註冊及晚宴地點煌府1885時註冊, 8時入席
觀禮咭DIY可能e-print
証婚律師Ricky Tam已mark日期時間, 婚前3個月再傾
擬結婚通知書Ricky Tam8月處理
結婚證書套Ricky Tam律師哥哥送~
戒指Mabelle已取貨
戒子座Mabelle, DIY已取貨, 會再自製
証婚簽名筆Swarovski (?)我們的情侶筆~
喜帖囍嫁煌府包380張, 已選, 8/6 睇版, 需修改及轉款, 16/6再睇版,
8月應該有得拎
喜帖封貼紙DIY淘寶自定款, 已draft一個, 修改中
請帖回禮利是封未買淘寶
新人用利是封未買淘寶
父母用利是封未買阿媽話自己買
婚宴30-35圍已付2nd訂
婚宴菜單未定菜單menu會DIY
簽名布Joseph Photo, 煌府兩間都有送, 煌府既未比相佢整
賓客簽名筆DIY
table no cardDIY
婚禮攝影及錄影Joseph Photo2p1v, 早拍晚播, 包1mv, 已落訂, optional 即場派相
成長片頭Joseph Photo未交file
成長片頭煌府煌府送, 3個月前交file
化妝師Sam Sam @ Wasa已付50%訂金, 3個月前再cfm package內容, 姊妹化妝人數, 1個月前cfm髮型
媽咪奶奶化妝未定包媽咪, 妹, 奶奶化妝
姊妹化妝未定
回禮小禮物 / 吊牌未定可能朱古力/星星糖
進場音樂未定
婚宴音樂未定
紅酒已買40支紅酒
VSOP未買家人話要12支
啤牌未買淘寶
結婚蛋糕煌府煌府送忌廉蛋糕
Welcome Board囍嫁送既
Seating Plan BoardDIY
婚禮程序人未定??
婚宴司儀司儀 阿雪
婚禮統籌未定
姊妹名單已定yuen*, poon, ivan, vikki, sandy, kristy
兄弟名單已定kei*, morris, 龍, 民, ling, 弟
座位表未定
禮服
新娘婚紗顯卓22/2試衫, 26/7再試, 已cfm
新娘晚裝顯卓22/2試衫, 26/7再試, 已cfm x 2
新娘裙褂顯卓22/2試衫, 已hold
新郎禮服顯卓已book 27/8試衫; 已買趙太恤衫
新郎配件 (煲呔, 袖口鈕, 腰封, 領結)未定
婚紗鞋金都婚紗鞋已買
褂鞋未買褂鞋未定
媽媽衫/26/7試衫, 不喜, 佢自己出去租
爸爸西裝自備未買
未來奶奶衫顯卓已book 27/8試衫
大嫂裙顯卓已book 27/8試衫
伴娘裙姊妹裙專門店已book 18/8試衫
姊妹裙姊妹裙專門店已book 18/8試衫
伴郎&兄弟tie未定淘寶
花飾
絲花花球DIY大牡丹, 已完成, 影prewedding, 拋花球
鮮花花球Agnes B大玫瑰&小玫瑰
姊妹手花DIY已買料
兄弟襟花DIY已買料
長輩襟花DIY已買料
花車佈置 DIY已買料
花車公仔唔需要想用絲花取代, 唔想要公仔…
Pre wedding Photo
婚紗相1Joseph Photo31/1 試衫, 30/4影相, 7/5揀相, 5/6睇第一次排版, 15/6睇第二次排版, 5/7 cfm, 17/8可以取相簿
婚紗相2希臘女神1月收齊所有物品
20*24油畫連架,  8*12相簿連相25張, 4尺*6尺大型海報, 4R小相簿, 4R水晶相架兩個
Others
婚前健康檢查??
蜜月旅行??