2019年9月20日 星期五

[成長日記] 升小的準備



九月開學, 基本上都好忙好忙好忙!!!
忙完一輪, 喘口氣已經是月中了~
丁丁升上K2, 
而細細就開始人生的返學生涯-返N班了~
他們的開課日還不錯, 阿媽我都好開心!
所以先不多說!

這篇重點是講升小一!!!

好了, 問題來了, 升小一應是K3才要面對呀,
丁丁升K2, 還有一年才是喔...

對對對, 朋友!!! (點頭如搗蒜)
我本身都是這麼認為的!!!
但在送她上學的第二天, 就被同校的家長朋友問:
「你報名去聽講座了沒?」
「某某小學有OPENDAY, 你去嗎?」

吓?????? 
關我事架? 我地K2咋! (天真MODE)

好了, 被家長朋友白眼+說教後, 
我才意識到, 升小是一場家長的「戰略遊戲」!!!
咳、是的, 身為佛系媽媽的我真的好想迴避這種太複雜的玩意喔喔喔喔~~~~~

做了一堆心理建設後, 
其實我也蠻認同 - 「K2家長要聽升小講座」!

> 了解有咩小學可選, 校網是什麼! (我本身是不知道 XD)
> 了解升小一的程序, 好多時聽一次不會太明白, 聽多幾次不一定變專家, 但總有個概念!
> 親身去一次心儀小學, 看看環境, 尤其小學已經多是全日制, 校園環境也很重要的
> 聽聽老師校長的話語, 其實都略知其教學方向一二
> 在開放日觀察學生的互動, 真實反映學習生活
> 加上小學的開放日有機會是同一天, 分兩年應該不會miss掉心儀的學校喔 



佛系媽媽的我, 經過5、6場升小講座同開放日後,
身心都有點虛脫~~~ 
我沒有什麼升小攻略、升小錦囊,
那些大家可以google一下就有一大堆~
但可以以K2的家長給一點我跟老公對選校的要求/小反思:

1) 學習方向
由於我地都明白, 普通話是需要學的, 所以不會反對普教中, 但需適量.
不想過份催谷學術, 體藝發展也需要
佛系父母的我倆真的比較想小朋友讀得開心, 做個有品德既人為主!

2) 地點
最好是可步行, 如需搭車, 交通時間也不多過15MINS
佢地係小學生咋! 點解要花過多時間在交通上?
如果心儀學校不是校網可選, 就要考慮交通、甚至住屋問題! 
真係要孟母三遷?

3) 家長自己既support
有些學校會要求小朋友及家長有高度參與, 在課餘再學其他野,
做唔做到? 小朋友做到, 但家長呢? 
可唔可以 fully support? 除左金錢, 仲有時間同耐力~

4) 有弟妹的情況
會偏向選擇岩家姐細佬一齊讀既學校
先唔講學術, 接送已經係一大問題! 哈!
如果家姐入私小/直資, 細佬未必一定100%收, 到時又要再LOOP多一次, 頭痛頭痛




有陣時, 聽得太多周邊的三姑六婆說話太多, 
都搞到自己精神緊張...

「一定要入神校架, 唔係點出黎做野?」
我同老公都唔係神校畢業啦, 唔會餓死人架

「一個鐘校車都無所謂啦, 名校wor!」
你確定係你中意定小朋友中意?!

「我唔識架, 人地話呢間勁咪報囉」
去餐廳食飯, 都未必個個岩食啦...


所以!!!!
別要人云亦云!!!!!

小孩是自己的, 只有自己才知道什麼是好~
呢個世界無咩話最好, 只有適唔適合~~
仲有, 請回想一下, 小朋友初出生時你對他的小祈望是什麼?

我當時是想她「做個開開心心健健康康的小寶寶」

這一個初衷, 不會改變 ❤

其他野, 其實都是bonus ; )

家長們, 共勉之~~~




張貼者： 於
標籤：

沒有留言:

張貼留言

訂閱： 張貼留言 (Atom)