KAN夫人。生活雜記: [成長日記] 一返學就病？點先可以增強免疫力？？

2018年12月7日星期五

[成長日記] 一返學就病？點先可以增強免疫力？？

好多時小朋友一開始返學就好易病！
明明在家中是健康寶寶一個，幾個月都唔使睇醫生，
但一開始返學，就無止境咁要搵醫生⋯⋯
小朋友一病，見到佢落晒形又瘦左一圈，真係好心痛，
同時父母又要做好照顧者角色，更要提高警覺唔好交叉傳染，
尤其好似我地家庭咁，有兩個小朋友，
丁丁讀K1，細佬未上幼稚園，
有時就係因為丁丁返學被同學傳染左感冒菌，
再傳比細佬！！！
呢啲情況我都會好好好擔心！
要同時照顧兩個病者⋯⋯真係一個字，累！

返幼稚園，真係無得避，

唯有做好自己，增強免疫力！

天氣好時，我都會同佢地跑下公園，曬下太陽，

吸收多些維他命D！

希望有啲幫助啦～～～

GOOGLE睇下仲有咩方法增強免疫力時，

就俾我留意到原來母乳內含的乳鐵蛋白(Lactoferrin)係可以提供到免疫保護架！

原來乳鐵蛋白係免疫系統中嘅重要組成成分，
能夠給BB先天免疫力，增加腸道發展的速度，令BB吸收力加強！
而且乳鐵蛋白可以和鐵結合，將鐵運送到身體各個部位，
有助建立消化系統的免疫功能，能抑制壞菌，
有效預防鐵質缺乏症、貧血、缺鐵性疲乏添！

係BB出世頭幾日，
媽媽嘅黃金初乳係乳鐵蛋白最高峰嘅時候～～～
乳鐵蛋白越早吸收，BB免疫力越早發展好！
雖然剛剛生完BB，媽媽身體會好累，
但都要記得埋身／手擠出來，
一定一定一定要餵到俾BB食呀！！
每一滴都係送俾BB最珍貴嘅禮物～～
為母則強！
BB身體健康就靠媽媽架喇！