呢排一起身就流鼻水, 成身都覺得凍凍地, 要即刻著返件褸,
望一望月曆, 原來一早已經過左立冬啦!
立冬即是冬季嘅開始, 大家都要留意天氣, 著多件衫呀~
一轉季, 身邊有鼻敏感嘅朋友, 都叫苦連天, 因為會加重佢地嘅鼻敏感病情!!
每日一起身就狂打噴嚏, 鼻水長流!!
仲會出現鼻塞、鼻痕、眼睛紅腫痕癢等架!!!
引發鼻敏感嘅原因好多時係因為環境、過敏源等,
其實只要做少少嘢就可以改善,
以下就同大家分享吓改善鼻敏感嘅非藥性方法啦!
1) 在室內開加濕器
氣溫同濕度突變, 易令鼻敏感發作, 在室內開加濕器可以舒緩鼻腔的不適
2) 勤換床單被舖
好多時家中嘅塵蟎會令人鼻敏感發作, 所以要勤洗床單被舖, 減少用毛毛地氈、布梳化等嘅傢俬! 就可以減少塵蟎含量, 對鼻敏感有幫助架!
3) 噴生理鹽水及用鹽水洗鼻
可以清除過敏源外, 也帶有消炎效果!
4) 飲用薄荷茶
呢個就好岩返工嘅OL喇! 如果係公司有鼻敏感, 可以沖返杯熱嘅薄荷茶, 薄荷茶中嘅薄荷醇成分可減輕鼻腔充血及鼻沾液積聚問題, 而熱茶嘅蒸氣也有舒緩作用!
5) 穴位按摩
位於面部兩眉頭中間嘅印堂穴及在鼻翼外嘅迎香穴, 都是有通鼻塞嘅功效, 只要用拇指交替按壓, 大約3-5分鐘就可以舒緩鼻敏感症狀!
6) 中醫食療
也可以看中醫, 按個人嘅寒熱底去配合適當的食療湯水, 也可以加強自己體質, 減少鼻敏症狀!
但, 如果鼻敏感症狀長時間持續, 甚至惡化! 就要小心!
有可能是患上其他嚴重疾症, 例如慢性鼻竇炎, 甚至鼻咽癌!
身體是自己嘅, 要好好愛鍚,
如有疑問, 一定一定一定要睇醫生或找專業人士嘅幫助~~
想知道鼻敏感同鼻咽癌有咩分別同檢查方法, 可以去呢度睇睇:
https://www.hkioc.com.hk/zh/鼻咽癌檢查與診斷/
* * * * * *
Follow:
FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Kan夫人。生活雜記
沒有留言:
張貼留言