蜜月之旅II。意法自助遊。第一篇: 行程進行中

結完婚5個月
我連DIY，big day點滴，vendor view，蜜月旅行1-布吉，我都未寫呀!!!!!
但已經想寫未出發先興奮既蜜月旅行2 (不是想, 是執行中了...)
嘩哈哈哈哈哈~~~

今次終於可以跟簡生衝出亞洲了~~~

其實之前已想蜜月去歐洲的了
但11月確實有點冷, 而且日短夜長
假又無乜, 有點短時間唔夠玩的感覺
所以決定今年先去
5月黎講呢, 日長夜短, 天氣又好d, 宜旅遊, 又唔使帶咁多衣物
我工作又無咁忙可以放多d假
好似所有事都好好咁

到諗跟團定自由行好時
在我個人立場, 我必然選自助遊
尤其當我睇完旅行團既精華遊行程後
那些8天7國的走馬看花購物旅行團
真的吃不消
既然我倆年青力壯, 還可以用力走走跑跑, 不怕迷路時
為什麼不自己出走看看世界
跟途人問路, 周圍游走, 愛看就看, 愛坐就坐
這種感覺真的好好好好呀!!!!!!!

所以12月尾1月頭就開始睇機票價位
1月尾就已經online book機票~

3月尾4月頭就開始book酒店及city與city之間的火車飛
但仍然搶不到特價超平9eur的火車票, 只有再高一級的平飛
算了, 都比walk in賣平一點, 笑~

可是, 由book機票到下個月出發
快4個月的preparation時間
我又深深地體會到, 我倆是否不適合一起去自助遊 ((((((( 淚奔
無他, 我只是遇到好大既阻滯......
因為簡生絕對不是一個適合自助遊既人
方向感差, 唔會plan行程, 極度無所謂
以上呢三點令我係就出黎前呢一個月感到前所未有既擔心、焦慮同暴躁!!!!!!!!!!

我已經搵晒recommend景點
只係未排好行程, 點與點之間的交通
我只要求簡生去check下各個博物館是否需要online買入門票
有那一個景點必要去, 等等
兩個星期都無result.......

成日都問, 究竟簡生你是否根本唔中意去
所以一點動力都沒有????!!!!!
唉。。。。。。。

anyway, 呢兩日已慢慢調節好心情......
你不做, 我自己一個人做!!!!!!!!!!!!!!!

(((((晦氣說話完畢)))))


話又說回來
由於本人的大假確實少得可憐, 只有最basic的七天 @@
連埋ot補假, 今年全年暫時只有8天半
所以盡放連埋星期六日, 都係得十三天 ((((( 大哭
只可以有限地玩
三國(約六-七城市)基本上太趕
兩國(約五城市)就剛剛好!!

以下就是今次我們的意大利法國之旅行程
羅馬入巴黎走, 不走回頭路, heehee!!

Roma -> Firenze (Piza, Lucca) -> Venezia -> Milano -> Paris

為了行程更輕便
如轉酒店, 搭內陸機, 徒步等
我們只會帶一行李箱
為此我們新買了兩個大大背包~
希望可以放得下我的戰利品, 嘿。。。

好, 下回再說online book機票的辛酸史.............
因為我所有酒店都book好後, 才被airline告知, 我的來回程都已被cancel flight!!!!!!!!!!!!!!!!
holy shit!!!!!!!!!!!!!!!!!!!!!