[[趕回進度中...]] Joseph Photo。敲定拍攝日期

好, 再次承認, 之前真的太懶了
放下結婚事宜一段時間什麼也不理)))))
嗚呀)))))

所以過年前好努力跑回進步
已經定了joseph photo的拍攝日期及選衫日期
拍攝日子是3月9日
希望有好天氣啦!!! (跪求)

其實, 是joseph photo主動打電話給我
提我11月bid day的話, 要早點拍pre wedding
一來天氣易就d, 二來有足夠時間做entouch出成品
所以我覺得joseph photo好體貼呀!!!!

暫時選定了ken為pre wedding photo的攝影師
其實之前有舊同事都係搵佢, 好似都幾好
你知架啦, 呢d野口碑好重要!! (點頭)

而家諗緊好唔好淘件衫黎玩
但未有idea
不過個人最想有輕氣球做props
亦有朋友仗義幫忙借出大大個白色鳥籠擺設做props
love birds 仍然係我最喜歡的wedding icon (心心)

而地點, 初步想選:
荃灣城門水塘森林景 (必選, 除非有第二個森林更正)
上環西環舊街 (必選, 有我們的回憶)
石澳 (必選, 有我們的回憶)
灣仔藍屋
天台天線景
熱鬧市區景/電車景


其實可以揀幾多個架........?? 哈哈哈~~~



好, 定好pre wedding
就到選big day 的 WG
由於早早已經比錢join了顯卓......
(其實我有少少後悔的!!!!!!T_T)
book了日期 1st trial
希望可以選到喜歡的 新的 WG呀!!!!
千萬唔好娘款, 我會哭的.......
呢部份竟然係我最擔心的一part
但打電話給A小姐時所得的服務仍然感覺良好........

加油吧!!!

。回禮。

其實, 點解結婚要整回禮架~~~!!!!!!!!!!!!!
邊個咁殘忍做壞個頭呀????!!!!!!!!!

我原本真係唔想整回禮
budget有限 = 選擇既小禮物有限
同埋, 眼見大部分都係無謂野
最重要係無謂得黎又要印住新人個名
無謂到極點

但打聽過父母口風
得出「個個結婚都有, 你唔可以無wor」既結論.........
但佢地亦都話「d回禮好廢」..........
仲拎左個招財貓鎖匙扣比我睇話係某某結婚既回禮
我回佢「佢做年宵賣淨貨呀???」
癲架咩........

ok, 之前我都做過下資料搜集
心目中以食左落肚就算為目標
朱古力 / 開花茶 / 星星糖 都係我考慮之列

過多2-3個月再選。哈哈哈~~

Pre Wedding Photo 希臘女神(Beauty Hera) 5 - 收貨日

我承認, 我太懶了..........
一直沒有更新
因為真的沒什麼可以更新
進度慢得可以

只在2012年1月頭去了希臘女神收貨
約了7點, 準時到達
上了二樓睇成品
我都忘記了油畫/大海報/封面是哪張相.......=.="
不過, 整體都幾好
所謂的大相薄比想像中細了一點喔....... 哈哈
不過做左uv coating, 手感真係好好多
雖然無咩effect, 如砌圖/漸變/跨版等等
但我都滿意既.....

可惜大相薄既背面有花痕
好在佢話可以換, 等多1-2星期就拎得返屋企

而細相薄, 我零要求, 只為送比屋企人留念
所以無在意

油畫幾好, 無加錢轉粗框係正確的
因為我返到屋企再睇時先記得呢個係幼框
完全無問題喎
睇油畫係睇個人靚唔靚, 而唔係個框貴唔貴~ heehee
又慳返幾百蚊, yeah!

大海報, 4x6尺........
大到我唔知點收藏.......xyz

另外仲有兩個水晶4R相架
因為未返貨, 又要遲d先有得拎

softcopy就一早拎左架啦
我仲自己用佢d softcopy做多左一本205x200mm既 photobook
output埋都不過係100蚊左右, 正到不得了
好想傳比朋友睇呀~~~ wahahaha!!!!


好, 第一輯prewedding - K.O.!!

「六條1」大日子 全城瘋迎

2011.11.11 真的太恐佈了, 勁多人結婚....
還好, 沒有炸中, 但有認識的人都是選這天

一年後, 到我們呢, 沒有6條1, 但都有4條1, 哈哈!!

「六條1」大日子 全城瘋迎

【經濟日報專訊】本周五是11年11月11日，全城瘋迎「六條1」，蘋果ifc店提早早上7時開賣iPhone 4S，蘋果迷忙着搶電話，與此同時，當日創紀錄有逾千對新人「拉埋天窗」，新郎忙搶美人歸；更有孕婦擬搶閘早上11時剖腹，炮製「八條1」BB。

今年11月11日特別多人結婚，根據入境處數字，接獲當日的擬結婚通知書有1,017份，較2010年10月10日（寓意十全十美）的859份，以及2009年9月9日（寓意長長久久）更多，數字亦是自06年推出婚姻監禮人以來的新高紀錄。

伊甸園婚姻服務有限公司總經理陳富雄表示，公司的3個證婚會場於本周五全部爆滿，由於當天日子較為特別，因此該公司亦調高收費1,000元。

「121212」 40新人預訂

他指，繼09年的「長長久久」和去年的「十全十美」好日後，新人再講求「靚冧把」，寓意好意頭，希望在「六條1」日子結婚，能夠「一生一世」。

他更指，2012年的12月12日為明年另一結婚高峰期，因為明年雙春兼閏月，加上在「龍BB」效應下，目前已有約40對新人訂了於「121212」註冊，佔了該公司當天的一半名額，相信很快便會爆滿。

婦產科醫生靳嘉仁表示，本月11日私院剖腹產子的手術室十分爆滿，他有一名本地孕婦客人，生第二胎，原本希望當日早上11時剖腹，以求為BB湊夠8個1字，即2011年11月11日11時出生，但醫院指11時手術室已訂滿，要改為12時生產，幸好家人也不執着要求。

靳相信，產婦選在「六條1」的日子產子，可能覺得日子「特別、得意」，另外有一名內地孕婦，則選擇在11月10日催生，相信是希望BB能在六條1那一天出生。

擇時辰剖腹 多收逾萬元

事實上，想做八條1寶寶，必須付出金錢代價。靳解釋，若產婦要求擇時辰剖腹，除了婦產醫生要額外收費，私家醫院及麻醉師也要加錢，約共需1萬多元，本地孕婦埋單就要7萬元，內地孕婦則要8萬。

除了結婚生子，蘋果迷當日亦相當忙，繼上周於網上搶訂iPhone 4S，買家炒家本周五將再戰中環ifc蘋果店。

蘋果已公布11月11日提早於早上7時正於ifc的Apple Store開賣iPhone 4S，但並未透露每人購買限額。本地及南亞裔炒家看準iPhone 4S炒賣潛力高，已準備「瞓街」3晚搶頭位（見另文——「iPhone 4S港開售 炒家今排隊」）。先達手機商「i世代」銷售經理姚進預料，iPhone 4S炒價可比官方定價高出約1,000元，但仍要視乎當日情況作出調整。

11月。婚展

11月4-6係灣仔又有婚展
都係朋友H同我講我先記得
又趕唔切登記拎免費飛
所以都未必會去

但尋日朋友H又有張証可以入場
所以收工趕頭趕命咁飛入灣仔
以前舊公司行過去5MINS就到
而家新公司係尖咀, 又要我過返海
仲要比我係會展前面撞到D相熟既"同行"
問我, 咦, 你唔係轉工咩, 仲係灣仔既, 去睇WINE FAIR呀??
HAHAHA!! 我都想去WINE FAIR囉....

ANYWAY, 今次主要目的係餅卡
因為今次婚展有美心喔~~
唔係次次有架
又怕之後搵唔返極之平既員工優惠價
(要搵男友既同事既朋友既親戚.... 太複雜唔想煩到咁多人)
所以自己買到既就買左先

而且朋友H都需要買
睇下一齊買會唔會平D嘛
哈哈~~

最後用@$36價買左

之後亦都睇左唐餅
目標係榮華 - 包裝正常, 份量比較大, 而且價錢平D
但我唔知應該買幾多呀........
會場做緊8折, 朋友既媽咪可以買到, 7折添
所以唔會係會場買
只需要盡快CFM人我要買幾多.........

應該點計架...............>.<


之後又再去睇証婚場
又行返去世紀証婚
見佢新開左個場, 好岩心水呀
不過都幾貴, 40MINS包場包律師包MC包50杯飲品, $5999
但佢另外兩個場都係$3XXX......

不過, 我都想去睇一睇場既

一直都有D心儀世紀証婚
因為近擺酒地方, 又合理價錢, 服務幾好
係佢之前介紹D場既佈置唔太岩心水...
所以HOLD住晒無進展
而家有新場又幾好

HEEHEE, 真係要搵日去睇睇先得~!!!

忙。到。嘔。

唉, 10月真係唔係人過的一個月
尤其我九月辭職唔做
本想快d走轉新環境開心下
點知大老闆又係咁留我, 最後又心軟
話做埋10月尾先走
好在新工作係相熟朋友介紹
等我成個半月都ok
真係唔話得~!!

10月要交接又要教新人野
但又要我出差, 出完上海再去廣州
連續19日無放過假
我數過, 成個10月我放得2日假咋大佬!!!!

雖然d假最後都係補錢比我
但真係太辛苦喇!!!!!!!!!!!!!!!!!!!!!!!!!!!!!!!!


所以, 10月咩都無搞過..............
只係去了希臘女神拎左執好既相
都仲未confrim佢添

下次再詳細講下希女d相........

命中註定

唉, 剛岩出差到上海工作7天
過著有返工無收工的一個星期
日日晨早8點開始準備做野, 到晚上10點才回到酒店休息
真係辛苦到想喊!!
我今次一d都無去遊覽其他地方
有時間就陪經理去巡舖, 行商場
做市場調查

但係, 我明明辭左工架啦
我返埋今個10月就拜拜你條尾
都要比d咁辛苦既野我做, 痴線!!
真係多得女魔頭經理唔少囉!!

星期日晚上先到香港
星期一又要返工
黎緊星期五又出差到廣州
呢份工都唔係人做架
我計過, 我要連返十九日工, 係十九日!!!!!!!!!!

唉。唉。唉。。。。

不過好在簡生來接我機
回程巴士上
靠著他手牽手
不由自主地流了兩滴眼淚仔
因為好感動
有種命中註定非你不愛的感動
是什麼讓我們可以這樣愛呢?
是一種不捨 是一種由衷而生的關懷
讓我們信任 讓我們珍愛

有你。生活不苦了。