熱天時，都無咩食慾，所以最好都係食日本野！
以海鮮為主的刺身、壽司、丼飯就最岩～～
今次我地去左尖沙咀新開既嵐橋丼飯專門店，
呢間丼飯店開左唔係好耐，但時時都排長龍～～～
我地早去，所以好快有位！
去得嵐橋丼飯專門店，只有丼飯、關東煮、串揚，無其他野食架～
點了兩款丼飯，等左陣就上麵豉湯～
個湯有別於一般餐廳的開粉沖水，嵐橋的真材實料，用上赤麵豉，香濃又順口！
好了，主角出場～～～～
份量之大，有點嚇呆！XD
我選的是「極上海之幸」，
包括有大拖羅、鮑機煮、蔥吞拿魚、日本牡丹蝦、深海拖羅、三文魚籽、松葉蟹鉗、海膽
因為去過大阪黑門食大拖羅後，成日念念不忘，
特意再點，跟日本的有得比！！
非常好吃，油脂比重好，入口溶化，非常香口！
鮑機煮也是心機作！本身鮑魚無味，要先用汁煮好，出來好彈牙又香甜！
金目鯛，平時好少食到，原來可以咁鮮甜！必推！
其他海鮮都非常高質，感覺到店家很大方，片片都大大塊，滿滿一碗不客氣！
而且丼飯中更加入了醋啫喱，吃時更有層次同口感～
朋友選的是「喜之次」，
當中包括有：喜之次、油甘魚、海膽、金目鯛、日本牡丹蝦、松葉蟹肉
也是大讚美～
海膽甜而不腥，
全部海鮮都很新鮮，色澤亮麗！
是近期吃過最好的一間丼飯！
除左丼飯，也點了關東煮及串揚～
關東煮點了日本白蘿蔔、竹輪、油豆腐。
日本白蘿蔔吸收了湯汁，好好吃，一點渣也沒有～
必點廣島蠔，吃時要小心爆漿！
炸粉好薄，即叫即炸，咬下去有擦一聲～！
來尖沙咀，不妨一到嵐橋吃個最新鮮的海鮮丼飯～
以解掛念日本之苦XD
嵐橋丼飯專門店
地址: 尖沙咀棉登徑白蘭軒道2號富峰行地下BCD號舖
電話: 22443238
Follow:FB: www.facebook.com/MrsKan.blog
IG: mrskan_net (http://www.instagram.com/mrskan_net/)
Youtube: Mrs Kan (http://goo.gl/9EqI55)
Kan夫人。生活雜記
沒有留言:
張貼留言