DIY。廢物利用 - 由請帖變玫瑰

自從結左婚, 搬入東區後

都無再整過小手作了...... 哈哈哈......

所以之前在一週年前夕

重拾返少少對DIY的熱枕

結婚時做了很多很多research

也keep起很多有用的template

呢個就係其中之一喇~~ PAPER FLOWER!!

因為真係好喜歡這款玫瑰紙花

加上佢"制作"超簡單

只係需要多少少時間做剪紙的工序

其他野都無咩技巧可言, HAHAHA!!!

相信結完婚的朋友都會頭痛......

用完既物資可以點處理呢~

掉左佢又好浪費

賣出轉贈都不失一個辦法

但我諗有一樣野, 你會係無可能賣出同轉贈的......

就係印晒自己同屋企人名既請帖!!! XDDD

所以, 我就物盡其用 -- 將請帖變為玫瑰花

做裝飾都幾好呀~~

1) 先將template print出來, 再在請帖上勾畫返個花型

我都用了請帖信封同埋入便果張內容卡紙

2) 花瓣用筆/剪刀卷出花邊, 立體感提升~~ 再將花瓣邊沿貼上!

3) 超簡單 - 將最大的放最低層, 一層一層貼上去~ 完成!!!!!

PS: 建議用熱溶槍, 出黎會靚d, 又貼得實!

4) 將粉色, 紅色, 不同大小的混在一起, 放到玻璃盒中, 好靚呀!!!!

5) 配返少少襯花, 完成圖~~ 

以下係上網version:

有心機的話
花球都可以做出來~~

* * * * * *

前文:

一週年 http://ja20121111.blogspot.hk/2013/11/blog-post.html

解構我的請帖~! http://ja20121111.blogspot.hk/2012/10/blog-post.html

* * * * * *

Kan夫人。生活雜記


http://www.ja20121111.blogspot.hk

Email: ja20121111@gmail.com

一週年

是的, 我們已經結婚一週年了~~~

該怎說好呢......

我好喜歡能夠當上簡生的太太, 變成簡夫人, 讓他寵我愛我照顧我喔~~~~ 

哈哈哈哈~~~

在一週年前夕

我問他, 「一年了喔, 你覺得怎樣?」

他說「好開心!!」

哎哎哎, 我也是~~ <3 <3

雖說不是天天都可以在愛的指數中的最高點

有時他累, 忘了

有時我累, 忘了

有時吵吵鬧鬧 有時哭哭啼啼

但更多時候是滿滿的愛
讓我們很親近很親近

臨睡前的goodnight kiss
上班前的morning kiss

都讓我們知道, 愛, 是把你安穩的放在我的生活中, 我的生命裡, 共同成長。

我沒有買什麼禮物
只送上一個玻璃盒給簡生
裡面是我們結婚當天, 一起努力準備big day的回憶:

一張紅色請帖, 記起, 他為我打lace花邊打到手痛
一張晚宴菜單, 記起, 我親手設計的wedding logo, 大家一起買珠光紙, 貼蕾絲, 菜單背後我們對來賓的感謝語
一堆用請帖,紅信封做出來的玫瑰花, 記起, 他不忍心我再作賤自己做數十個玫瑰花而不准我再剪剪貼貼
一支支的薰衣草, 記起, 瘋狂的絲花淘寶行動, 親手做了所有手花襟花車花

有笑有淚
構成我們的美好回憶


謝謝


謝謝你給我的所有~~

DIY。深水埗汝州街(珠仔街)挖寶

都結婚成8個月了!!!! (@@ 唔數都唔覺添)
而家下定決心慢慢分享返之前結婚的心血
所以會一邊寫遊記一邊婚享 (((笑笑笑
等我d生活又變返以前咁, 寫寫寫~~
hahaha!!!


* * * * * * * * * *


做diy真係唔少得絲帶、珠仔、襯花等~
雖然淘寶仲平, 但有時想補買又或者只買少少, 趕著用等
我都會係返香港買既
同埋, 可以摸上手, 看到實物點都係好d既~~

所以介紹一下我平時行開果d舖頭
因為我住附近, 由細行到大架喇~~
而家無得行, 真係會唔捨得d姐姐, 笑 ^^


* * * * * * * * * *

DIY。Wedding Ring Pillow 介子枕

呢排公事已不算太忙
又可以update下

不過已經係5個月前既事喇......=.=""""
哈哈哈哈~~~

anyway, 當比一個回憶錄自己
開心下都好~ XD

之前都諗住自己diy介子枕
亦都因為係diy, 所以唔可以太複雜
前文: http://ja20121111.blogspot.hk/2012/06/diy.html


經過一輪自己同自己brainstorming之後
用了兩晚就ko了
SIZE 16*16cm

嘩哈哈~~ 我自己勁滿意囉~~ (得戚中!)


基本上, 我個人好中意recycle (慳家的表現...XD)
所以部分材料是重用又重用~~ HEEHEE
成本可以話無乜!!!!

材料:
白色絹布 22*22cm 兩塊
白色lace 一條
草綠色羅紋絲帶 一條
深綠色光面絲帶 一條
珍珠 一粒
銅牌 一片
棉花 一堆
針線
熱溶槍



白色絹布--> 我係用之前做姊妹時既姊妹裙剪出黎架!!!!!!!!!!!!!!!!!!XDDDDDD
因為都唔會再著, 所以只好廢物利用!!!!!!!
其他果d都係我之前做襟花手花bridemaids card果時用剩既~~~

呢個diy可說是零cost!!!!
哈哈哈~~~~

淘寶。結婚花材/用品/物資/回禮 I

其實為了自己big day可以慳少少但又靚少少
好多野都係偉大既淘寶淘返黎~~
買得好鬼開心~~
但次次都千千聲既......=.="
雖然好似成日千千聲, 我後尾睇返record
關於結婚野, 都係得兩次過千咋~~~~
好多時都係同同事/朋友一齊野先過千, 唔關我事架~~
hahaha!!


等我分兩回同大家分享下有d咩荀野淘先~



1) 美式鄉村必備/美克美家/仿真花/仙履奇緣玫瑰新娘手捧花束
由於我買果間已經無再出呢款, 所以唔post link了
買左呢束, 再加左少少襯花, 就用黎影希女prewedding
大牡丹花束 rmb59.00
其後加埋運費, 匯率, 絲帶, 襯花, 鐵線等等
一個花球只係hkd130
抵玩~!!

(ps, 我係香港搵唔到呢個粉紅既牡丹, 實物真係好靚, vintage, elegant~~)

DIY。愛的宣言

由於上年已經做過一次愛的宣言比好朋友
可以叫做駕輕就熟, 嘿嘿

自己覺得最重要係logo同內容
我最花時間就係愛的宣言既內容
上網周圍睇下有無咩愛的宣言令我感動的
無錯, 我想搞笑得黎唔色情但又warm到我
最後, 比呢篇最後一句感動了
「個個話你好鬼傻, 多謝你肯嫁比我!」

原先網上版只有十句左右
自己再花d心思加長佢, 令到佢第五至九句既第一個字可以串埋做:
「今生今世只愛你一個」
嘩哈哈哈哈~!!!!!!!!!

ko了內容, 比班姊妹睇
個個都話好襯我地~
尤其keyword, 女皇, chanel, 體罰個蘿等等~~
仲話我聽到個傻字一定喊, 無錯, 我果日真係一聽到個傻就淚眼.....T_T

內容準備好
LOGO用返之前印燙金貼紙果個
選色都花左少少時間
但因為愛的宣言只係早上用
想fresh d
都係用返我好中意既鵝黃同草綠
heehee

再配返少少花花圖案唔好咁單調

一晚就完成了~
online交去banner shop印
3日後就可以到門市收貨, 正到爆!!!




成品資料:
29.70cm x 42.00cm
雙面普通foamboard 5mm 用pp貼裱啞面

軟件:
AI, PHOTOSHOP

OUTPUT檔:
用PHOTOSHOP轉PDF
(記得AI要出OUTLINE先)

印刷公司:
www.bannershop.com.hk



ps: 我係big day 前5日先做咋, 哈哈哈哈!!!!!!!!!!!!




DIY系列:
http://www.ja20121111.blogspot.hk/search/label/%E2%98%86%E5%9B%8D%E2%98%86DIY

淘寶。燙金貼紙

帖都派完喇成個幾星期, 而家仲有8日!!!
keep住緊張添~~

所以要偷d時間分享下
放輕鬆一下~

先再來講講個貼紙 (終於捨得打post...=.=)
因為之前係>Nezumi < 既blog度見到佢介紹
眼前為之一亮呀!!!!!!!!!

無他, 已經收到太多朋友用火漆印
係好靚, 但太多人用, 同埋花時間
朋友, 我成3x圍 (日日都擔心緊control唔到...), 起碼280張帖
真係驚個成本太高&無咁多時間一個一個印比人 ~>.<~

所以貼紙真係方便好好好好多~
又可以tailor made, 岩晒我啦

拍板後, 就同店家溝通
如尺寸, 燙咩色, file output用咩檔, 生產時間, 包裝, 運費等等
了解清楚後
用了2-3日起左個draft出黎>>>>>>


原本諗住反白燙金架
但店家話唔可以咁樣, 叫我再修改, haha!

又改為以下款:



朋友一致決定第三款比較好
又有love bird, 又有繞花邊
好岩我, haha!!

跟住send比店家
問佢file有無問題, 叫佢開一次
cap圖比我睇, 有無d字款錯左咁
不過我用ai做晒outline, 應該唔會出錯
所以好順利咁拎去印啦~

過左幾日, 我問佢印成點
佢話已經印好
我要求佢拍實物圖, 佢好合作呀
send了以下圖比我睇, 超級放心~~~

就係咁, cfm無問題發貨去我間集運中心~
無耐就收到了~~~~~~~!!!!!!

成品超靚!!!!!!!!!!!!!!!
比想像既好好好好好好多!!!!!!!!!!!!!!!!!!!
個價錢又平, 呢個價只可以係香港起到個燙金版咋陰功......

店家仲要印多成100個比我
雖然有~30個印得唔太清楚, 但店家有比多
所以無問題的!!

推介: http://shop58709902.taobao.com/

解構我的請帖~!

過完大禮, 當然地開始派帖啦~~~
但, 我又係對張帖有太高既要求喇...................
又係玩死自己同簡生既項目........=.=

不過, 唔緊要, 有心就事成
而家我地d帖派得七七八八, 個個都讚靚
所以話, 唔好睇少酒樓所送既免費帖
加工後, 成件事grand左elegant左
最緊要唔會洗好多錢~~
呢個係我地既目標!!!!!!!!!!!!!!!!!

有追開既朋友, 可能仲會有少少記憶
我張免費帖係下面左邊果張~
拿!!! 再用自己既花邊punch打返條lace邊變成右邊果張...
好靚呀!!!!!!! >////<
試做左一張已經興奮到死
無人可以reject我打晒呢380張帖既決定!!!!!!!

加工完之後,
就張餅卡, 利是仔一齊入帖.....
但張帖太fit size
加埋餅卡同利是, 好似想爆咁......XDD

入好晒就開始print 人名
我地買左laser film sticker a4 size (上圖左上角)
可以放係laser printer度打印
只需預先係word/excel做好表格, 有少少淺色虛線
打好人名, 試下對位, ok就print
print完再cut

因為我地d字唔係特別靚同企理
都係print算啦~

一包10張, 我係深水埗買, $75.


之後再加埋
我自己設計既燙金貼紙~~~~

完成!!!!!!!!!!!!!!!!

第一班收帖既好朋友with大啤~~  hahaha!!!!!!!!!
點都要留個念, yeah!!!!!!

下篇講下我個燙金貼紙先~~~

DIY。襟花 II

終於又偷到少少時間打一打下野
不過唔長篇大論了

去片

基本上所有襟花手花已經完成
只差姊妹手花既絲帶
怕一早整好會"被"口, 所以遲d先搞

同埋, 之前係囍嫁度買上頭睡衣&拎囍帖信封時
唔小心r左姐姐, 送左10個襟花連T字扣比我
HAHAHAHA!!!!!

但襟花我又整好晒啦嘛
所以, 我諗住將送果D拆散
花花可以做車頭花, 車門
而T字扣就用返係我D襟花度
見先果排有D時間就將男女家襟花轉為T字扣
等長輩易D用

其實都好麻煩架!!!!!!!!
點解我又要忍唔住做D咁既野~~~~~~ XDDD

要將絲帶拆晒, 包多一次
又包返絲帶
再加熱溶膠固定......=.=

不過都OK既~~ HAHAHA!!!!

DIY。襟花

嘩哈哈哈哈!!!!!!!!
我都好想比個like自己
因為我係8月尾用左兩日就已經ko左一大堆DIY襟花

呢個係第一日用一個晚上一口氣KO了8個女家襟花:


其實真係唔難整
不過我發現有d花苞絲花不是太牢固
最後有用熱溶膠補一下

之後就第二日, 簡生都來幫幫手
剪下d花莖, 絲帶, 貼下雙面膠, 執下手尾......
其實都唔多野叫佢幫手, hahah!!!!

ko了男家襟花x8, 兄弟襟花x6, 姊妹手花x6:

呢個係我ideal既reference:

少少似都ok架喇~
因為有d配花改左色/款
但出黎既效果我都好喜歡~!!!!!!!!!!!!! ^0^

不過姊妹手花仲未加絲帶
呢個可以之後再加

花花系列只差花車deco同簽名筆
如果有剩都會留返到時reception做deco
因為我問朋友借左個白色birdcage!!!!!!!! 有大中細size!!!!!!!!!!!!
好興奮呢~~~~~~~~~~~~~~~


題外話:
之前淘寶買了一支熱溶膠槍
諗住拎出黎用時先發現佢係廢既~~~~~!!!!!!!!!!!!!!!!!!!!!!!
頂, 要用時先唔work
簡生仲將佢支解左睇下救唔救得返
但都係放棄了, 人仔15左右...... 都預左未必work
所以最後係樓下五金舖買左支細版
都係hkd35咋~~~~~~~~!!
文具舖反而要hkd59!!! 一樣架wor!!!
其實都幾抵~ 早知樓下買算啦~~ hahaha!!!!

DIY。Will you be my Bridesmaid?

其實我真係好中意整無聊野呀!!!!!!!!!!!
由構思, 買料, 試整, 排位, 再開工, 又剪又釘又貼又塗
成個工序好似好長又好煩咁
但我一d都唔覺架
仲好enjoy添!!!

因為可以係自己wedding上面花心思真係好有意思架嘛!!
所以, 有時間的話
真係不妨做下小手工
無論係咩都好
都係一個過程同一點心意~

今次做bridesmaid card!
7月尾時就開始約姊妹團度期一齊做姊妹裙
由於有一姊妹是飛來飛去, 好鬼難夾到期的空姐朋友
所以主要就到佢先再mark其他人~
又可以互相介紹大家ma (主要都係分為小學同學 & 大學同學兩group)

見咁齊人, 就花左點心機做張邀請卡比大家
算是第一份給姊妹的小禮物!

好, 先來看看成品~~ kaka!!
我自己都好喜歡呀!!!

淘寶。好瘋狂呀!!!

7月尾在淘寶淘了成千蚊喔喔喔~~~~~~~~~~~~~~~
真係第一次買咁多野
之前都係加埋朋友野先咁多
今次立立雜雜咩都買
最後集運成8-9kg寄到香港
都係rmb55!!
同埋有d舖頭滿額免運費到集運地方
所以係運費方面唔算用了好多~~

今次有一半都係結婚要用既野~
淘了一大堆花材
再加埋之前米太太送比我既少少花材
我覺得都係唔夠喔......=.=
可能我要整埋車頭花, 需要多花量
所以有點勉強
不要緊, 到時再去花園街伯伯度買~~



同埋我響淘寶搵唔到有比較靚少少既仿真蘭花....
又唔敢博
所以都係去了繽紛買
最貴係佢, haha!! 但真係好靚x10000!!!!!

暫時會整呢堆野
1. 男家襟花 6-8個
2. 女家襟花12個
3. 姊妹手花 6個
4. 兄弟襟花 6個
5. 主花車車頭花 1盤
6. 主花車車門花 4個
7. 28van車門花 8個
8. 簽名筆 4-6支

真係要度一度期開工先得~~!!!

仲有一d係配件+絲帶~~
上右係順便買回來的攔門花球
咁岩有家店有賣, 又唔貴
~25cm直徑的攔門玫瑰花球!!! 好喜歡~~ hahaha!!!!

呢包就係成千蚊既野:

咁當然地淘得唔好蝕
又買左d衫呀褲呀裙呀袋呀電話case呀咁囉...............
wakakakaka!!!!!!!!!!!

人生第一個punch!!!!

估唔到, 我會為左個wedding去買一個punch!!!
嘩哈哈哈哈~~

雖然一直以來見到人地用黎壓花好靚
心思思好想要.......
但係銅記旺角等地方見到個一個MS edge punch都要成$120-$160
有少少唔捨得

隔左一輪
跟簡生提起人地點用個punch去diy咩咩咩時
佢竟然好有興趣 (平時係零反應的...)
仲同我講買啦, 咁靚!!!
百零蚊都唔係好貴姐!!!

好, 有人支持~ 我又走去格下價!!
咁岩見到米太太同其中一blog友都係以下呢間度買

見佢咁鬼死近我公司
haha, 我一收工又去八下!!!!!!

本身我只係諗住買個edge punch架咋!!
真係只想買一個架!!!!!!!!!

點知.......
我買左一set.............
punch around the page........................orz

因為佢而家多數幫人訂返黎
我上ms個網睇左好耐都唔知邊個好
太多選擇反而唔識選擇
所以, 把心一橫, 只睇現貨款
岩就買~~ 好在~~ 現貨好多都好靚架!!




最後, 我買左呢個款>>>>>

打出黎就係咁喇~~

 而家到8月12日有7折!!!!!!!!!!!!!!!!!!!!!!!!!!!!!!!!!!!!!!!!!!!!

商戶資料:
Fliegen Scrapbook & Craft Store
https://www.facebook.com/#!/fliegen.crafts
Unit 207-8, 2/F, Solo Building, 41-43 Carnarvon Road, Tsim Sha Tsui, Kowloon, Hong Kong
Tsim Sha Tsui, Hong Kong

DIY。介子枕

唔知點解, 明明一開頭對呢個item一d熱衷既感覺都無
但反而而家最有idea!
可能上得外國wedding website多
見到好多好靚既款
而且唔難整
所以又列入DIY項目之一了

之前曾經用羊毛毯吉左一個介子枕送比好朋友做結婚禮物
之後佢同我講, 你可以整一個比自己嘛
我話, 整比自己就唔會喇, 花咁耐時間......
真係太花時間喇, 我吉左兩星期呀!!!!!!!!!!
吉完, 我同自己講, 我唔會再整d咁複雜既野玩死自己......=.=
好朋友, 我真係對你好好~ wakaka!!

同埋, 我個人係 simple & elegant 架嘛
所以要整返個襯自己既~~

上網做左一輪reference
好多都好fancy, 製作有d高難度

以下就係我個人好喜歡既款~~

之後比我搵左一個教人整花既template
簡單到不得了!!
咁我就可以跟住cut個花形再整落個方形pillow度~~
到時買返條lace又好絲帶又好放係中間
咁就成功喇!! heehee

以下兩款個人比較喜歡 >////<

呢款可以用不織布整








呢款可以用厚身fancy paper

但而家都係紙上談兵.....=.="
hahahahha!!!!

淘寶。E-print/Banner Shop。好偉大

對於結婚新人
除了一大堆要比錢既擺酒, 影相, 化妝項目外
還有一大堆想慳錢又想show off自己美術天份既DIY項目
嘩哈哈哈!!!!!

所以我都唔例外
想自己結婚有心思D個人化D自HIGH一輪等人比個LIKE都好
我就是有一大堆想要做的DIY東東

繼上年幫好朋友ssss做姊妹順便接手做一些小型DIY
如早上接新娘遊戲道具, 晚宴台號卡, 菜單卡, RECEPTION DECO, 愛的宣言, 仲有介子座......

>>小女子的成品

((((( 原來我已經做左5(定6??)次姊妹!!!!!!
是我人緣太好還是天生一副姊妹相 >.< haha))))))
所以, 我對自己是很有信心的!! ((拍心口

就因為心懷大志
所以, 我!! 要包辦一切DIY項目!!!!
於早前已經做了一輪出得廳堂上得大床的東東!!!
主要是用來拍攝婚照的props~~

1) DIY絲花花球


2) poster 連自製相架框


3) just married 字母banner


綜合以上經驗所得
除了事前做好reference, 有耐性, 有靈巧雙手外
最重要是找到又好又便宜的supplier!!!!!!!!!!!!!!!!!!!!!!!!!!!!!!!!!!!!!!
所以!!!!!!! 淘寶 及 E PRINT / BANNER SHOP 絕對一定是新人們的好幫手~~~~
價錢相宜, 質量亦都好好

就像愛的宣言
出便婚禮公司叫價$1XX-$3XX
我出一張雙面磨沙效果A3尺寸的, 只需要$3X!!!!!!!!
>>就是這個~
媽的, 它也賺太多了吧。。。。

而大家常做的簽名筆, 手花, 襟花的絲花及絲帶
就可以在淘寶淘個夠
我經常在深水埗打滾, 都覺得絲帶還是淘寶好喔
(當然有色差的風險......)
深水埗通常是一碼算, 大約$3-$8, 看粗幼/款式
而淘寶$10就可以買到淨色一卷了!! 是一卷!!!

這些天我正在綜合有哪些東西是需要DIY的
好讓自己一次在淘寶下單
再集運到港~~~ YEAH!!

暫時想到以下:
1) 姊妹手花, 兄弟襟花, 男家長輩襟花, 女家長輩襟花
2) 簽名筆
3) Welcome Board
4) 愛的宣言
5) Signature Board
6) 介子枕
7) Seating Plan
8) 菜單 Menu
9) Table No.
10) Gift Card / 回禮包裝
11) 証婚卡
12) 請帖貼紙

需要淘回來的東西:
1) 絲花, 絲帶
2) 熱溶槍
3) 壓花器
4) marker
5) 蕾絲
6) 布 (??)
7) 紙 (??)
9) 熨金貼紙

另外想淘寶回來的一次性物品(可以無質量可言的東東):
1) 紅傘
2) 上頭用品
3) 利是封
4) 囍字茶具+紙杯
5) Cushion
6) 囍字貼, 對聯
7) 睡衣拖鞋
8) 啤牌
9) 花瓣, 花炮
10) 有關過大禮的"廢物" =.=".... 如椰子, 子孫尺......

可能大家有個問題
點解唔去好多人都推介既筍崗買呢??
原因係...... 我淘寶有人送到門口
筍崗要自己拎返黎, 仲要慢慢同佢講價
諗起就頭痛lu
我寧願比順豐哥哥賺左個運費好啦~~ wakakakakaka!!!!!!!!!!