岩岩過左立夏, 天氣又再熱左好多!
基本上我呢個星期都係開冷氣睡覺~
但老人家成日都提我唔好開咁多冷氣, 對小朋友唔好架! 我都知, 我都明, 但好熱丫嘛!!
尤其下午午睡時段, 大既唔使訓係廳玩, 細既要係房訓, 一部風扇係唔夠一家人用!! 所以我入手多部又細又易收藏既風扇~~晚飯後吹住風扇坐係沙發睇書都好舒服~~
我睇中呢部
日本 Doshisha 多角度纖薄摺合 DC風扇既原因係佢可以摺埋好細部, 唔用果時攝埋一邊就得, 完全不佔空間, 好岩我呢d蝸居小家庭!
呢款除左坐地外, 仲可以調高或水平橫置咁放; 家人見到咁細部以為佢都係得正面風向, 睇真d, 可以左右搖擺, 自動又得手動都得, 好中意呢種唔會吹死一個位的風扇~~ 而且有4段風速調節, 及正常風、自然風、睡眠風模式, 個人最喜歡睡眠風模式, 好舒服又唔會只吹死同一位置, 配埋定時開關機功能同無線遙控更方便添~
用起上來超舒服, 風力夠, 又唔嘈, 有時有朋友上來玩, 開左冷氣都唔夠涼, 可以加多部風扇通風下都唔會阻住大家~
多左Doshisha風扇, 令我開少左冷氣, 慳電又環保! 唔錯架!
沒有留言:
張貼留言