KAN夫人。生活雜記: 4月 2014

2014年4月30日星期三

食記。博多道場日本料理(*´∀`)~♥

我們倆口子真的好喜歡日本料理!!

由刺身、壽司、拉麵、定食、還是串燒清酒, 都好喜歡喔喔~~

所以一星期總有一次吃一回

今次選了一間我倆都未試過的 --- "博多道場"~

在銅鑼灣世貿廣場的......

((謎之聲: 本身是想去旁邊的日式火煱店, 但太多人等不了......))

抱著一試的心態去食

又好彩無雷到!!!!!

仲要好好食添~~~

又可以加到晚飯list了, 呵呵~!!

環境小女個人很喜歡!

2-4人可入座小間, 很有私隱, 傾計一流~

不過我們坐第一間, 很少有侍應經過...

想點菜/加水時就要伸出半個身位來揮手咯 XD

餐牌, 餐具都很細緻, 不錯不錯~

首先來了客 "蟹親子板壓壽司" - 不錯, 蟹肉新鮮, 飯質蠻好!

"一口餃子" - 超級香脆, 上檯時內裡的肉汁是燙口到不得了!!

"什錦串燒5種" - 真的超好食!! 尤其果五花肉串, 仲有芝士肉串!!!! 雞亦相對就顯得普通......

"長崎海鮮豬骨鍋鈀" - 因為未試過, 覺得幾特別就點了
味道就是豬骨湯喔!!
焦焦的鍋鈀有點脆口, 不過不可以放太久, 會變軟身就不好吃了!!

是次, 蠻滿意喔!!!!

* * * * * *

神屋流博多道場 Dojo Hakata

銅鑼灣告士打道280號世貿中心3樓312-313號舖
T: 3691 8735

* * * * * *

Kan夫人。生活雜記

http://www.ja20121111.blogspot.hk
Email: ja20121111@gmail.com

2014年4月29日星期二

生活。復活節四天假, 超級玩樂日~~

不知大家在復活節過得怎樣, 小女過得異常地充實......

就好像回到讀u時, 那種玩到半夜都不睡的情況!!!

對我這種已經回不及當年勇的年紀來說, 真是一項鐵人耐力賽!!!

雖然很累, 勁累, 爆累, 但見到朋友, 玩得開心, 又真的很爽丫丫呀~~

* * * * * *

18/4

放假第一天...... 回公司見客XDD

沒辦法, 因客人改了航班日期來香港~ 只好放假也回公司咯~

不過也好, 可以更專心工作!

見完客, 不想太早回家, 就去了扮中產,

享受一個人的悠閒~

晚上跟麻甩佬sss去街市打邊鑪~ 碟肥牛好正呀~!!

因為哥哥嫂嫂外遊, 要幫忙去他們家照顧小狗~~

是不是超級可愛~~~

雖然年齡大了, 活力沒之前好, 但牠對鏡頭的敏感度是沒減退的!!!

還會對鏡頭笑呀~!!!!

* * * * * *

19/4

是小女跟小學同學慶祝正日生日喔!!!

林生很貼心的買了個macaron生日蛋糕, 是五粒macaron, 剛好一人一顆~~!!! XD

下午到晚上都是攻打四方城

真的假日好節目 XDD

晚餐是預先order了的刺身 + 外賣自取的壽司!!!!

正到不行喔~~~ 尤其是海膽, 現在看回也想再吃...... ((((流口水中....

這邊完了後, 竟然不是回家

而是去了朋友家中玩PS4!!! JUST DANCE!!!

跳一首歌, 出一次汗

真係同鄭多燕一樣咁勁呀!!!

結果玩到成4點先走......

係半夜四點.......

癲左!!!!!! XDD

* * * * * *

20/4

最癲既係第二日繼續跳

今次仲要玩埋造型, 笑死人啦~

個game仲有play back精華, 睇下自己跳成點

我拍片都拍到電話無晒位~~

* * * * * *

21/4

今日終於叫做輕輕鬆鬆鄧子峰

出去灣仔買AIR JORDAN11!!!!

又新入手啦~~~

晚上同可愛既童童豬玩返下~~

睇下佢拎住個米奇復活蛋幾咁開心~~

轉眼放完假......

好想放耐d, 見多d朋友呀~~~!!!!

* * * * * *

Kan夫人。生活雜記

http://www.ja20121111.blogspot.hk
Email: ja20121111@gmail.com

2014年4月24日星期四

病向淺"中醫"~ 藥粉, 再沒理由對它說不了!

沒錯, 小女開始看中醫了!!!

這是嫂嫂介紹的~

抱著一試的心態, 於3月尾去看第一次~

本著有病醫病, 無病強身的信念去看

是說, 小女一直都有腸胃問題, 不是很嚴重的那種......
但, 總是覺得身體有種"怪怪"的病菌
弄得有時睡不好, 有時腸胃不好, 有時發熱, 有時身體不能出汗之類......

一直被家人念要看醫生
但小女又怕看中醫, 怕遇上醫師伯伯念東念西, 怕要執藥煲藥麻煩來麻煩去......
所以都是看西醫, 可惜又醫不出個所然, body check也顯示很健康喔~

最後都是去看了中醫

為什麼??????

因為, 現在的中醫真的太方便了喔~~~~~~
電話預約就可以!
見完診, 還可以選擇要執藥自己煲, 還是煲埋比我, 還是開藥粉自己沖!!!
天喔, 真的是OL的天大喜事!!!

小女選的當然是藥粉~

一天兩包, 用熱水沖開

粉狀中藥, 聞上去沒什麼特別, 但喝上去同自己三碗水煲埋一碗一樣...... 杰...... 同苦...... XDD

但小女相信, 苦口良藥!!!

沖劑, 超級適合繁忙的上班族

平時食埋食埋咁多街外食物

工作時間又長, 而家不用看火, 不用記掛~

這麼方便, 沒理由再SAY NO喇!!

來調理一下身子也是一件對自己好的事呢~!!

PS:

小女選了女醫師, 是年紀相若的, 所以很多貼身事也可跟醫師請教呢~

* * * * * *

香港防癆會中醫診所暨香港大學中醫臨床教研中心

電話: 3553 3238

* * * * * *

Kan夫人。生活雜記

http://www.ja20121111.blogspot.hk
Email: ja20121111@gmail.com

2014年4月22日星期二

henna彩繪。u beauty x ladyhel 工作坊! 超開心超歡樂!

上星期, 4月17日去了u beauty x ladyhel henna彩繪工作坊!!

兩個小時玩得超開心呢~~

helen老師真的超厲害, 兩三下手勢就寫出一朵朵美到不行的圖案~

又見到一班blogger~~ 大家有傾有講~~

真係唔覺得玩了兩小時呢~

好, 說回henna art~

大家都應該知道henna是印度傳統圖騰嗎?

「據說Henna最早源於中東，後來傳至北非、印度一帶，早在回教可蘭經中即有記載，由於回教傳統服飾必須蒙上面紗，為區別男女，女人便在手上繪上Henna，沿至今日，只要在慶典或婚禮上，身上描繪圖案已成傳統，他們相信藉由彩繪圖騰能帶來好運，傳統Henna都是描繪在手上及腳上。」

到而家, henna art都是祝福的一種呢~~

blessing hand!!

剛在北角見完客就去workshop! XDD

好開心, 又跟MAKIYO一齊玩~ 真係超級有緣~~ >3<

拿了helen老師的貓貓面具來拍照~

workshop為每人準備了一支henna cone同牛油紙

等我地可以試下幗草圖, 了解下畫henna的感覺!!

這是小女畫的喔~~ 真係好好玩, 不過不太懂力度, 結果線條有粗有幼 XDD

這就是helen老師幫我畫的~! 真的快靚正~~!!

有玉背添~

好喜歡這種喔~

來一張henna大合照, helen老師真捧, 一個人畫了這麼多圖案~~

大約過了40mins, henna顏料乾後, 開始有點裂開同掉落~ 見到底下橙色的pattern呢

過多一日, 會由橙色變成深啡!!! 期待ing!!

來跟helen老師合照~

三連圖~ 左: 剛畫好, 中: 已經完全掉落顏料, 右: 過了兩天~

今次workshop真的很relax很開心~ 多謝u beauty邀請喔!!

* * * * * *

大家有興趣的話, 可以去看看helen的facebook:

www.facebook.com/rabbittch

* * * * * *

是次活動由 u beauty x ladyhel 提供

* * * * * *

Kan夫人。生活雜記

http://www.ja20121111.blogspot.hk
Email: ja20121111@gmail.com

2014年4月16日星期三

☆Look Book☆ STYLENANDA 韓風sporty chic!!!

如果大家熟知韓風, 一定識得STYLENANDA, 雖然大家可能係因為3CE才知道這品牌及其網店...... 但其實STYLENANDA的女裝真的超COOL!!! 而香港的I.T.也在2013年秋冬正式引入了, 包括自家服裝NANDA MADE、潮牌KKXX 及化韓風妝必備的3CE~ 終於將韓式時裝偏向街頭及 sporty 元素風格帶給香港女生, 完全將 mix & match 發揮得更好喔~~~!!! 以後想買呢幾個牌子可以不用再靠網購或親身飛到首爾潮聖了~!!!

小女收到的是今個夏天大熱的sporty style 網紗數字露臍背心!! 仲要係小女喜歡的綠色~!! 以為會好難襯, 但最後發現呢件小背心展露了韓妞的多樣性, 超級百搭呢!! 一口氣搭了5個造型~ 不多說, 看圖吧~~