KAN夫人。生活雜記: ★極度建議入手家庭和諧機!! Rasonic Mini Cube 洗碗碟機 (RDW-J6P)★

之前成個聖誕新年都係不停煮不停食, 要洗既碗碗碟碟堆滿鋅盤!

如果有睇story就知我收到件超級實用既聖誕禮物~

就係一部家庭和諧機~ 即係洗碗碟機呀~~

以前裝修廚房時無諗過會日日都煮足三餐,

所以無好好規劃好d野要點擺,

搞到而家成個廚房好唔見使,

想買部洗碗機都無位放!

好在而家出左好多小家電, 就連洗碗機都細左好多!!

仲要唔使搵師傅去駁入水位, 機身比舊式細好多,

我執清少少位就放到上廚房既工作檯面,

而家我都可以free左勁多時間出黎!

真心, 如果家有小朋友, 成日要煮食,

而廚房又有位置, 真係要添置一部洗碗機!!

唔使花時間去洗碗, 又唔怕洗得多會有主婦手,

洗碗機有齊晒沖洗、自動清洗和烘乾功能,

拎出黎既碗碟都暖笠笠, 感覺係好幸福~~~

Rasonic Mini Cube 洗碗碟機 (RDW-J6P)

係滿滿少女心的粉紅色

機身細細, 已經可以放到大約32件餐具, 好岩 4-6人家庭用!

同埋佢可以揀駁水喉或手動注水,

我就用手動注水, 買返黎放上檯面就用得,

每次清洗用大約5公升的水, 都幾慳水架~~

睇佢內籠都幾多配件, 可以分上下層,

上層放筷子餐具, 下層放飯碗、碟等,

如果拎起上層架, 仲可以放到個細煲添, 非常靈活!!

機內設有上下噴嘴, 360 旋轉式噴洗, 唔怕有鬼鼠位洗唔到~~

同時配合約70度高溫清洗功能, 油脂污垢立即bye bye~

底下有3重過濾網, 方便阻隔食物殘渣!

洗完既碗碟超級乾淨乾爽, 一滴油污都無架,

直接用埋烘乾功能, 慳返好多時間~

唔使成晚匿係廚房, 多返好多親子時間呢~~

唔怪得洗碗機會比人叫做家庭和諧機啦!!

去FB睇, 留言欄有video:

KAN夫人。生活雜記